LUKA 1:51 - Pathien Lekhabu Inthieng (BSI)

⁵¹ A bânin a tha hrâtzie ân entir a, An inngaituonaa chapohai chu a sukdar ta a.

LUKA 1:51 ပူးပေါင်းရင်းမြစ်များ

INṬANNA 11:8

Chuongchun, Lalpain anni chu chutaka inthawk chun hnuoi chung po poa chun a sukdar ta a; chuongchun, an khaw siem khawm chu an tâwpsan ta a.

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

INPÂKNA HLABU 118:15

Lâwmna le sandamna ri chu mi felhai puon inah a um hlak a, Lalpa kut changtieng chun huoitakin a thaw hlak.

INPÂKNA HLABU 33:10

Lalpain hnam tin remruot chu iengkhawm ni lovah ân changtir a, Mi tin ngaituohai chu iengkhawm ṭhathnemna nei lovin a siem hlak.

INPÂKNA HLABU 52:9

Chu chu i thaw leiin kumkhuoin lâwmthu hril ka ti che a, I mi inthienghai mithmua chun i hming chu nghâk zing ka tih, a ṭha si a.

INPÂKNA HLABU 63:5

Ka hringna hi thlin le thâua khawp angin khawp a ta, Ka bau hin hlim hmûr putin inpâk bawk a ti che.

INPÂKNA HLABU 89:10

Nang chun Rahab chu râl that angin i sukkawi dar vawng a, Nangma dotuhai chu i bân thahrâtin i sukdar ta vawng a.

INPÂKNA HLABU 89:13

Nang chun bân thilthawtheitak i nei a, I kut chu a hrât a, i kut changtieng chu chawimawiin a um a.

INPÂKNA HLABU 98:1

Aw Lalpa chawimawiin hla thar sak unla, Thil maktakhai a thaw ta si a; A kut changtieng le a bân inthieng chun ama ta dingin sandamna a siempêk ta a.

FESUOKNA 18:11

Tuhin pathienhai po po nêkin Lalpa chu a ropui lem ti ka hriet, chapotaka anni an sawisak lai ngeia Aigupta mihai kut hnuoia inthawka a mihai chu a sansuok leiin,” a ti a.

ISAI 40:10

En ta u, Lalpa Pathien chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 51:9

Aw Lalpa bân, har la, har la, hrâtna thar inbel rawh; tienlaia, tienlai suonhai um laia i har ang khan har rawh. Nang hi Rahab sât nawitu, dragon suntu kha i ni an nâwm a nih?

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

ISAI 63:12

A bân ropuitak Mosie changtienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

JEREMIA 49:15

Ngai ta, hnamhai laia a china le, mihai laia hmusitumah ka siem ta che a.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi naw a, lâwmthu khawm an hril bawk si nawh. Teplo mei mei an ngaituo lem ta a, an lungril invêt chu a hung inthim ta a.

2 KORINTH 10:5

insêlnahai le thil insâng tinrêng Pathien hrietna hluotu dinga insângtaka siemhai chu ṭhiekin, ngaituona tinrêng Krista thuawina salah kan ṭhuoi a,

DÂN PAHNINA 4:34

Hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia Lalpa in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

THUPUONGSUO 18:8

Chuleiin, ni khat sûngin a hremna hri dâm, lungngaina dâm, ṭâm dâm chu hung tlung vawng a tih; meia rawhmangin um bawk a tih; a rorêltu, Lalpa Pathien chu a hrât si a.