LUKA 1:27 - Pathien Lekhabu Inthieng (BSI)

²⁷ nunghâk inthieng pakhat kuomah a tir a; ama chu David thlaa mi a hming Josef nuhmei huol a na; chu nunghâk hming chu Mari a nih.

LUKA 1:27 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

MATTHAI 1:16

Jakobin Josef Mari pasal chu a thla a; chu Maria chun Isu Krista an ti hi a hung insieng ta a.

MATTHAI 1:18

Chun, Isu Krista hung insiengzie chu hieng ang hi a nih: A nu Mari chu Josef le an inhuol laiin, an inpâwl hmain Thlarau Inthiengin ân raitir ti an lo hriet ta a.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

LUKA 1:28

Chun, vântirko chu a kuomah a lût a, “Chibai, Vochuom, Lalpa i kuomah a um” a ta.