LUKA 1:13 - Pathien Lekhabu Inthieng (BSI)

¹³ Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

LUKA 1:13 ပူးပေါင်းရင်းမြစ်များ

INṬANNA 17:10

Hi hi kei le nang le i hnunga i thlahai kâra ka thuthlung i zâwm ding chu a nih: nangni laia pasal taphawt chu ser tan ding a nih.

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

INṬANNA 25:21

Chun, a nuhmei chu a ching leiin, Isak chun Lalpa kuomah a ngênpêk a, Lalpain a hnina chu a lo ngaipêk a; chuongchun, a nuhmei Rebeka chu ân rai ta a.

INPÂKNA HLABU 113:9

Ama chun nuhmei ching chu in le lo ân vawngtir hlak a, Nau nei mi hlimtakah a siem hlak; Lalpa chu inpâk ro.

INPÂKNA HLABU 118:21

I kuomah lâwmthu hril ka tih, nangin i mi dawnin, A mi sandamtu i lo ni ta si a.

ISAI 8:3

Chun, zâwlneinu kuoma chun ka fe a, chuongchun, ama chun nau a vawn a, naupasal a nei ta a. Chuongchun, Lalpain ka kuomah, “A hmingah Maher-salal-has-baz sak rawh.

DANIEL 10:12

Chun, ama chun ka kuomah, “Daniel ṭi naw rawh, i Pathien hmaa nang le nang în sukhnuoi a, a ngaina hre dinga i lungril i siem nia inthawk khan i thuhai chu hriet a lo ni ta a, i thuhai lei chun hi ka hung a nih.

HOSEA 1:4

Chun, Lalpa chun a kuomah, “A hmingah Jezreel sak rawh; Jezreel thisen phuba chu Jehu sûnghai chungah lâng ka ta; Israel sûnghai ram chu suktâwp ka tih.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 14:27

Nisienlakhawm, Isûn anni chu a biek nghâl ta a, “Lungmuongtakin um ro, kei ka ni annâwm, ṭi naw ro,” a ta.

MATTHAI 28:5

Chun, vântirko chun nuhmeihai chu a biek a, an kuomah, “Nangni chu ṭi naw ro! Isu an hemde kha in zawng ti ka hriet!

MARKA 16:6

Chuongchun, ama chun an kuomah, “Lunginzing naw ro, Isu Nazareth mi, an hemde kha in zawng a ni âwm a, a thonâwk ta a, hi hin a um ta nawh; en ta u, an inzâlna hi.

LUKA 1:14

Chun, nang hlimin lâwm i ta, ama a pieng chun mi tamtak lâwm bawk an tih.

LUKA 1:30

Chun, vântirko chun a kuomah, “Mari, ṭi naw, Pathien ngaisak zâwng i nih.

LUKA 2:21

Chun, a sertanna ding ni riet a hung tling chun, a hminga chun sula a um hma daia vântirkoin a sak tasa ISU an sak a.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

RORELTUHAI 6:23

Lalpa ruok chun a kuomah, “Thlamuongtakin um la, ṭi naw rawh, thi naw ti nih,” a ti a.

1 SAMUEL 2:21

Chun, Lalpa chun Hanna chu a hung sir a, nau a vawn a, naupasal pathum le naunuhmei pahni a nei a. Chun, naupang Samuel chu Lalpa hmaa chun a hung inṭhanglien ta a.