LEVI DÂN 9:9 - Pathien Lekhabu Inthieng (BSI)

⁹ Aron naupasalhai chun thisen chu a kuoma chun an inhlân a, thisena chun a kutpâr chu ân chie a, maichâm kihaia chun a nâl a; thisen chu maichâm bula chun a bunthlâk a;

LEVI DÂN 9:9 ပူးပေါင်းရင်းမြစ်များ

EZEKIEL 43:15

Maichâm chunghnung lem chu tawng li nîng a ta; maichâm thuk le a chung tienga chun kihai pali um a ta.

EZEKIEL 43:20

Chun, chu thisen chu lâng i ta, a kihai pali chun nâl i ta, a rei ki lia le, a tlâng a sîrvêl poa hai le chun; chuongchun, sukthieng i ta, ama ta ding chun intlanna siem i tih.

LEVI DÂN 16:18

Lalpa hmaa maichâm tieng chun suok a ta, chu puola ding chun intlanna siem a ta; bâwngchal thisen le kêl thisen iengzât amani chu lâng a ta, maichâm kia chun a vêlin nâl a tih.

LEVI DÂN 4:25

Chun, thiempu chun suol inthâwina thisen chu a kutpârin tlâwmte lâng a ta, pumrawhmang thilinhlânna maichâm kihaia chun nâl a ta, pumrawhmang thilinhlânna maichâm bula chun a thisen la um po chu a bunthlâk ding a nih.

LEVI DÂN 4:30

Thiempu chun thisen chu a kutpârin tlâwmte lâng a ta, pumrawhmang thilinhlân maichâm kihaia chun nâl a tih; a thisen la um po chu maichâm bula chun a bunthlâk ding a nih.

LEVI DÂN 8:15

Mosie chun a that a; thisen chu a lâk a, intlanna siemna dingin, maichâm kihaia chun a kutpârin a vêlin a nâl a, maichâm chu ân hlân thieng a, maichâm bula chun thisen chu a bunthlâk a, a sukthieng ta a.

LEVI DÂN 9:10

suol inthâwina thâu dâm, a kal dâm, a thin tuomtu duorda dâm chu maichâm chunga chun a raw a, Lalpain Mosie thu a pêk ang khan.

LEVI DÂN 9:12

Chun, pumrawhmang thilinhlân chu a that a, Aron naupasalhai chun thisen chu ama an pêk a, ama chun maichâm chu a the huol a.

LEVI DÂN 9:18

Mipui puola inremna inthâwina thilinhlân bâwngchal le berâmchal chu a that bawk a; Aron naupasalhai chun a thisen chu an pêk a, maichâm chu a the huol a.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.