LEVI DÂN 9:4 - Pathien Lekhabu Inthieng (BSI)

⁴ le bâwngchal le berâmchal Lalpa hmaa inremna thilinhlân dinga inhlân dingin hung kei unla; hrieka hmet fâkmi thilinhlân leh, vawisûn hin in kuomah Lalpa a hung inlang ding a nih,’ tiin hril rawh,” a ta.

LEVI DÂN 9:4 ပူးပေါင်းရင်းမြစ်များ

FESUOKNA 16:10

Chun, Israel mipui pungkhâwm po po kuoma Aronin a hril phingleh, thlalêr tieng chu an en a, sûm laia Pathien ropuina hung inlang chu an hmu a.

FESUOKNA 19:11

ni thum ni chun inzo hieuin um raw hai se, chu ni thum ni chun Sinai tlâng chungah mipui po po mithmuah Lalpa chu a hung ṭum ding a ni si a.

FESUOKNA 24:16

Lalpa ropuina chu Sinai tlânga chun a um zing a, ni ruk sûng sûmin ân khum a; ni sari ni chun sûm laia inthawk chun Mosie a ko ta a.

FESUOKNA 29:43

Chutaka chun Israel mihai chu intuokpui ka ta, intuokna puon in chu ka ropuinain sukthieng nîng a tih.

EZEKIEL 43:2

chun, ngai ta, saktienga inthawk chun Israel Pathien ropuina chu a hung tlung ta a; chun, a râwl khawm chu tui tamtak ri ang a nih; chuongchun, a ropuina chun hnuoi chu a var ta a.

EZEKIEL 43:27

Chun, nihai chu an hmang zo pha, ni rietnaa inthawk chu, thiempuhai chun in pumrawhmang thilinhlânhai chu maichâma chun thâwng an ta, in inremna thilinhlânhai le chun; chuongchun, lo pawm ka ti cheu, Lalpa Pathien chun a tih,” tiin.

LEVI DÂN 2:1

“Tukhawmin Fâkmi thilinhlân, Lalpa kuomah thilinhlâna ân hlân pha, a thilinhlân chu beiphit indîtak a ni ding a nih; hriek bur a ta, a chungah beraw khawm sie bawk a tih;

LEVI DÂN 3:1

“A thilinhlân chu inremna thilinhlân inthâwina a na, bâwng ruol laia mi ân hlân chun, a pui amanih, a chal amanih khawm ni sien, Lalpa hmaah demkailo ân hlân ding a nih.

LEVI DÂN 9:23

Chun, Mosie le Aron chu intuokna puon ina chun an va lût a; an hung suok nâwk a, mipuihai chu mal an sâwm a; chun, Lalpa ropuina chu mi po po chunga chun a hung inlang ta a.

LEVI DÂN 9:3

Chun, Israel mipuihai kuoma chun, ‘Suol inthâwina dingin kêlchal, pumrawhmang thilinhlân dingin bâwngte le berâmte kum khat mi ve ve demkailo ṭhieu,

LEVI DÂN 9:5

Chun, Mosiein thu a pêk ang chun intuokna puon in tuola chun an hung kei a; chun, mi po po chun an va hnai a, Lalpa hmaa chun an va ngîr a.

LEVI DÂN 9:6

Mosie chun, “Hi hi a nih, in thaw dinga Lalpain thu a pêk cheu kha; chuongchun, Lalpa ropuina chu nangni lai hung inlang a tih,” a ta.

NAMBAR 14:10

Nisienlakhawm, a pungkhâwmhai po po chun lunga dêng an rawt a. Chuongchun, Lalpa ropuina chu intuokna puon inah Israel mi po po hmaa chun a hung inlang a.

NAMBAR 16:19

Chun, Kora chun mipui po po chu anni kalin intuokna puon in kawtkhâra chun ân umkhâwmtir a; chun, mipuihai po po chunga chun Lalpa ropuina a hung inlang a.