LEVI DÂN 8:31 - Pathien Lekhabu Inthieng (BSI)

³¹ Mosie chun Aron le a naupasalhai kuoma chun, “Intuokna puon in kawtkhâr bulah sa kha suong unla, ‘Aron le a naupasalhai chun fa rawhai se,’ tia thu pêka ka um angin inhlân thiengna leikhâwra bei le chun chutaka chun fa ro.

LEVI DÂN 8:31 ပူးပေါင်းရင်းမြစ်များ

LEVI DÂN 10:17

“Iengdinga suol inthâwina chu hmun inthienga in fâk naw am a na? Hi hi thil inthieng tak, mipui rîtlona in phur theina dinga a pêk cheu, Lalpa hmaa intlanna in siempêk dinga a pêk cheu a ni si a.

LEVI DÂN 6:28

A suongna pil bêl chu sukkawi ding a na; dâr bêla suong a ni ruok chun nâwt faia intlêu fai ding a nih.

LEVI DÂN 7:15

Lâwmthu hrilna dinga inremna thilinhlân inthâwina sa chu, chu thilinhlân ân hlân ni ngei chun fâk zo ding a nih; zîngkâr chen iengkhawm a khêk ding a ni nawh.

JOHAN 6:33

Pathien bei chu vâna inthawka hung ṭuma, khawvêl kuoma hringna petu hi a nih,” a ta.

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.