LEVI DÂN 8:15 - Pathien Lekhabu Inthieng (BSI)

¹⁵ Mosie chun a that a; thisen chu a lâk a, intlanna siemna dingin, maichâm kihaia chun a kutpârin a vêlin a nâl a, maichâm chu ân hlân thieng a, maichâm bula chun thisen chu a bunthlâk a, a sukthieng ta a.

LEVI DÂN 8:15 ပူးပေါင်းရင်းမြစ်များ

2 CHANCHIN SUINA 29:24

thiempuhai chun an that a, an thisen chun maichâm chunga chun suol thilinhlân chu an inhlân ta a, Israel mi po po ta dinga intlanna siempêk dingin pumrawhmang thilinhlân le suol thilinhlân chu Israel mi po po ta dinga thaw ding a nih tiin lal chun thu a lo pêk ta si a.

EZEKIEL 45:20

Chuongchun, chu thla ni sari ni chun mi thil lo suksuol ta tinhai ta ding le, mi lo thawpalhai ta dingin thâwng i ta; chuongchun, in ta ding chun intlanna chu siem in tih.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

LEVI DÂN 1:11

Maichâm sîr hmârtieng pangah Lalpa hmaah that a ta, Aron naupasal thiempuhai chun maichâm chu a thisen chun an the huol ding a nih.

LEVI DÂN 1:5

Lalpa hmaa chun bâwngchal that a ta; Aron naupasal thiempuhai chun thisen chu inhlân an ta, intuokna puon in kawtkhâr bula maichâm chu thisen chun the huol an tih.

LEVI DÂN 16:20

“Hmun inthieng le intuokna puon in le maichâm puola intlanna a siem zo chun kêl hring lai chu inhlân a ta;

LEVI DÂN 3:2

A thilinhlân lu chunga chun a kut innghat a ta, intuokna puon in kawtkhâr bula chun that a ta; chun, Aron naupasal thiempuhai chun maichâm chu thisen chun an the huol ding a nih.

LEVI DÂN 3:8

a thilinhlân lu chunga chun a kut innghat a ta, intuokna puon in tuola chun that a ta; Aron naupasalhai chun maichâm chu thisen chun an the huol ding a nih.

LEVI DÂN 4:25

Chun, thiempu chun suol inthâwina thisen chu a kutpârin tlâwmte lâng a ta, pumrawhmang thilinhlânna maichâm kihaia chun nâl a ta, pumrawhmang thilinhlânna maichâm bula chun a thisen la um po chu a bunthlâk ding a nih.

LEVI DÂN 4:30

Thiempu chun thisen chu a kutpârin tlâwmte lâng a ta, pumrawhmang thilinhlân maichâm kihaia chun nâl a tih; a thisen la um po chu maichâm bula chun a bunthlâk ding a nih.

LEVI DÂN 4:7

Chun, thiempu chun a ṭhen chu Lalpa hmaah, intuokna puon ina riminhniktak maichâm kihaia chun thisen chu tlâwmte nâl a tih; chun, bâwngchal thisen la um po chu intuokna puon in kawtkhâr kâwla pumrawhmang thilinhlânna maichâm bula chun a bunthlâk ding a nih.

LEVI DÂN 6:30

Suol inthâwina, a thisen, hmun inthienga intlanna siemna dinga intuokna puon ina hung lâk ruok chu fâk ding a ni naw a; râw el ding a nih.

NAMBAR 8:12

Levi mihai chun bâwngchal luahai chun an kut innghat an ta; chun, Levi mihai ta dinga inremna siemna dingin, pakhat chu suol thâwina dingin, pakhat chu pumrawhmang thilinhlâna dingin Lalpa kuomah în hlân ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

EPHESI 2:16

kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum si a.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.