LEVI DÂN 8:13 - Pathien Lekhabu Inthieng (BSI)

¹³ Chun, Mosie chun Aron naupasalhai chu a hung ṭhuoi a, zakuo ân hâktir a, kâwng khitna chun anni chu a khit a, lukhum ân khumtir a, Lalpain Mosie thu a pêk angin.

LEVI DÂN 8:13 ပူးပေါင်းရင်းမြစ်များ

INPÂKNA HLABU 132:9

I thiempuhai chu felnain inthuom sienla, I mi inthienghai chu hlimin khêk raw hai se.

FESUOKNA 40:13

Aron chunga chun silfên inthienghai chu bel i ta, ama chu hriek nâl i ta, inhlân i tih, thiempu sina ka rawng a bâwl theina dingin.

FESUOKNA 40:16

Lalpain thu a pêk po po angin Mosie chun a thaw a; chuong ang tak chun a thaw a nih.

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 61:6

Nangni ruok chu, “ Lalpa thiempuhai,” tia inbûkin um in tih: mihaiin, “Ei Pathien rawngbâwltuhai, ” tîng an ti cheu a; hnam tin sum fâng in ta, an ropuina chu insuong phâng in tih.

EZEKIEL 42:14

Thiempuhai chu an lût pha chun, huon sûng tuollai puo lema chun hmun inthienga inthawk chun an fe suok ding a ni naw a, amiruokchu, chutaka chun, an rawngbâwlnaa chun an silfênhai sieng an ta; an inthieng si a; silfên dangin inbel an ta, chun, mipui tieng chu an hung hnai chau ding a nih,” a ta.

LEVI DÂN 10:5

Chuongchun, an hung hnai a, zakuo hâk pumin riebûk puoa chun, Mosie hril angin an zâwn dawk a.

LEVI DÂN 8:21

A sûng le a kehai chu a sâwp a; berâmchal chu maichâmah a pum chun a râw vawng ta a; chu chu riminhnik dinga pumrawhmang thilinhlân, Lalpa kuoma mei hmanga thilinhlân chu a nih, Lalpain Mosie thu a pêk ang khan.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

THUPUONGSUO 1:6

khuoletui le a Pathien le a Pa tienga thiempua mi siemtu kuomah, anih, ama kuom ngeiah, ropuina le rorêlna chu chatuonin um raw se! Amen.

THUPUONGSUO 5:10

Kan Pathien ta dingin khuoletui le, Thiempuahai i siem ta si a; Chun hnuoiah ro rêl an tih,” tiin.