Chun, Aron naupasalhai chun maichâmah meia thing um chunga pumrawhmang thilinhlân chunga chun râwng an ta; chu chu Lalpa ta dinga rim inhniktak mei hmanga thilinhlân a nih.
Chun, Lalpa chun Aron kuomah, “Ngai ta, kei hin ka ta dinga a thêna thên thilinhlân, Israel nauhai thilinhlânhai po po pumin nang le i naupasalhai ta dingin, kumkhuoa in chanpuol dingin ka pêk cheu a.
Chun, thiempu chun berâmchal dâr suong hmin le bâwma chawl ṭhanglo bei pakhat le chawl ṭhanglo beiphêk inphân pakhat lâng a ta. Nazarit mi chun ân suktumna lu chu a vâw zo chun inchawitir a tih; chun, thiempu chun thêna thilinhlân dingin Lalpa hmaa chun a thên ding a nih.
