LEVI DÂN 7:25 - Pathien Lekhabu Inthieng (BSI)

²⁵ Tukhawm Lalpa kuoma mei hmanga thilinhlâna inhlân sa thâu fatu chu, a chipuihai laia inthawkin tuithlârin a um ding a nih.

LEVI DÂN 7:25 ပူးပေါင်းရင်းမြစ်များ

INṬANNA 17:14

Chun, pasal ser tan lo, a ser hmawr vun taksaa sertanna um naw chu, chu ngei chu a chipui laia sukbohmang nîng a ta: ama chun ka thuthlung chu a bawsiet a nih,” a ti nâwk a.

FESUOKNA 29:25

Chun, chuong chu an kuthaia inthawkin lâng i ta, Lalpa hmaa riminhnik dingin, maichâm chunga chun pumrawhmang thilinhlânin raw hmang i tih: Lalpa kuoma meia thilinhlân a nih.

LEVI DÂN 3:17

Thâu amanih, thisen amanih in fâk naw ding a nih ti hi, in thlahai chena khawm in umna taphawta chun kumkhaw thuruot ngîrzing nîng a tih,’ ti rawh,” tiin.

LEVI DÂN 7:20

inthienglo puma Lalpa chanpuol inremna thilinhlân inthâwina sa fatu ruok chu, a chipuihai laia inthawka tuithlârin a um ding a nih.

LEVI DÂN 7:21

Tukhawma thil inthiengnaw hrim hrim, mi inthiengnaw amanih, ran inthiengnaw amanih, thil tirdakum pawrche hrim hrim a tâwk a, inremna thilinhlân inthâwina sa, Lalpa chanpuol chu a fâk chun, ama chu a chipuihai laia inthawka tuithlârin a um ding a nih,” tiin.

LEVI DÂN 7:24

Mânia thi thâu le sa ise thâu chu thil dang ienga khawm hmang thei nîng a ta, fâk ruok chu in fâk dêr ding a ni nawh.

LEVI DÂN 7:26

In umna taphawta chun thisen hrim hrim, vate amanih, ramsa amanih thisen chu in fâk ding a ni nawh.

LEVI DÂN 7:27

Tukhawm ni sienla, thisen fa hrim hrim chu, a chipuihai laia inthawkin tuithlârin a um ding a nih,” tiin.