LEVI DÂN 7:18 - Pathien Lekhabu Inthieng (BSI)

¹⁸ A inremna thilinhlân inthâwina sa chu ni thum ni chena an fâk chun pawmpêk ni naw ni a, ân hlântu khawm chu inhlâna ngai ni naw bawk a tih; thil tirdakum nîng a ta, tukhawm a fa taphawt chun an khawhlona maw chu phur an tih.

LEVI DÂN 7:18 ပူးပေါင်းရင်းမြစ်များ

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

ISAI 65:4

thlân laiahai ṭhunga, hmun fienrielhaia riek hlakhai, vawk sa faa, an bêlhaia thil tirdakumhai tuihâng um hlakhai,

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

JEREMIA 14:10

Lalpa chun hi mihai chungthua chun hieng hin a tih: Invâk invâk hi an nuom zâwngtak a lo ni ta a: an kehai khawm an thunun naw a; chuleiin, Lalpa chun anni chu a pawm naw a; tuhin an suolnahai chu hre zing a ta, an suolhai lei chun anni chu hrem a tih.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

EZEKIEL 18:20

Mi a suksuoltu chu, chu chu thîng a ta; naupa chun pa suolna chu phur naw ni a, pa khawma naupa suolna chu phur bawk naw ni; mi fel felna chu mi fel chunga chun um a ta, mi rilo rîtlona chu mi rilo chunga bawk chun um a tih.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

LEVI DÂN 10:17

“Iengdinga suol inthâwina chu hmun inthienga in fâk naw am a na? Hi hi thil inthieng tak, mipui rîtlona in phur theina dinga a pêk cheu, Lalpa hmaa intlanna in siempêk dinga a pêk cheu a ni si a.

LEVI DÂN 10:19

Chun, Aron chun Mosie kuomah, “Ngai ta, vawisûn hin Lalpa hmaah an suol inthâwina le, an pumrawhmang thilinhlân chu an inhlân a na, hieng ang thil hi ka chungah a hung um el ta si a! Vawisûn hin suol inthâwina chu lo fa ta lang, Lalpa mithmuah pawm tlâk a ni chuong ding am a nih?” a ta.

LEVI DÂN 11:41

“Thilhring hnuoia bawkinvâk chi po po chu thil tirdakum an na, in fâk ding a ni nawh.

LEVI DÂN 17:16

Ân sâwp naw a, ân sil naw ruok chun, ama rîtlona maw chu phur a tih,’ ti rawh,” tiin.

LEVI DÂN 19:5

“Lalpa kuoma inremna thilinhlâna in inthâwi pha chun, pawm tlâk ni dingin in inhlân ding a nih.

LEVI DÂN 20:17

“Mîn a farnu, a pa naunu amanih, a nu naunu amanih a nei a, a saruokna a hmu a, amanu khawma a saruokna a hmu bawk chun thil inzakumtak a na, an chipuihai thlahai mithmua sukbohmang ding an nih; a farnu saruokna hlîm a na, a rîtlona maw chu phur a tih.

LEVI DÂN 20:19

I nu zuorpuinu amanih, i pa farnu amanih saruokna chu i hlîm ding a ni nawh. Mâni laibunghai saruoka siemna a na; an rîtlona chu phur an tih.

LEVI DÂN 22:16

chuong ang chun, an thil inthienghai fapêkin rîtlona le bawsietna maw an inphurtir ding a ni nawh; Kei hi Lalpa anni sukthiengtu chu ka ni si a,’ ti rawh,” tiin.

LEVI DÂN 22:23

Mâni nuomthua thilinhlâna ding chun, bâwngchal khawm, berâmte khawm, kut le ke sei taluo amanih, tawi taluo amani khawm inhlân thei in tih; thutiemnaa ding ruok chun pawm ni naw nih.

LEVI DÂN 22:25

Ram dang mihai kuoma inthawka lain chuong ang laia mi hrim hrim chu in Pathien fâk ding thilinhlânah in inhlân ding a ni nawh, chuonga chun sietna le demkaina a um lei chun, pawmpêk thei cheu ni naw ni,’ ti rawh,” tiin.

LEVI DÂN 5:17

“Nangni laia tukhawmin Lalpain thaw lo dinga thu a pêkhai thawin a lo suksuol chun, hriet naw leia a thaw khawm ni sien,thiemnaw chang ning a ta,a suksuol maw chu phur a tih.

LEVI DÂN 7:19

“Sa, thil inthiengnaw hrim hrim le intâwk chu fâk ding a ni naw a, râw el ding a nih. Sa chu ân thienghai po chun fa thei an ta,

AMOS 5:22

Anih, in pumrawhmang thilinhlân le in bu thilinhlânhai chu mîn hlân unla khawm, pawm naw ning a, in inremna ran thâu thilinhlânhai khawm ngaisak bawk naw ning.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwtkhum a, sipaihai Lalpa chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai Lalpa chun a tih.

NAMBAR 18:27

Chuongchun, in thên thilinhlân chu hrizâwla bu le i uoin sâwrnaa uoin anga ngai nîng a tih.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet si a; mihriem laia an ichawimawi chu Pathien mithmua chun tirdakumtak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:11

Chuongchun, sertan lova a um laia, ringnain felna chu a hmu ti inhrietna, sertan inchikna chu a hmu a, chu felna chu an ta dinga ruot a nina dingin sertan lohai laia ringtuhai po po pa a ni theina dingin,

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.