LEVI DÂN 7:16 - Pathien Lekhabu Inthieng (BSI)

¹⁶ Amiruokchu, a thilinhlân inthâwina chu thutiem amanih, mâni nuomthua thilinhlân amanih a ni chun, ân thâwina ân hlân ni ngei chun fâk ding a nih; fâk mahla chu a zîng tûka fâk ding a nih;

LEVI DÂN 7:16 ပူးပေါင်းရင်းမြစ်များ

INPÂKNA HLABU 116:14

Ka thutiemhai chu Lalpa kuomah hlen ka ta, Anih, a mihai po po hmaa chun.

INPÂKNA HLABU 116:18

Ka thutiemhai chu Lalpa kuomah hlen ka ta; Anih, a mihai po po hmaa chun,

INPÂKNA HLABU 66:13

Pumrawhmanga thil inhlânhai leh i inah lût ka ta, Ka thutiemhai chu i kuomah hlen ka tih.

FESUOKNA 35:29

Israel mihai pasal tin le nuhmei tin an lungrila pêk nuomna neihai chun Lalpain Mosie hmanga thu a pêk tah sin po po thâwnaa dingin anni nuomthua Lalpa ta dinga thilpêk chu an hung pêk a.

THUVARHAI 7:14

“Inremna thilinhlânhai inthâwina inhlân ding ka ni a, Hi ni hin ka thutiemhai chu kân thien ta a.

EZEKIEL 46:12

Chun, lal chun mâni nuomthua thilinhlân, pumrawhmang thilinhlân amanih, inremna thilinhlân amanih, mâni nuomthua Lalpa kuoma thilinhlân anga a buotsai pha chun, saktieng pang ngha dâi kawtkhâr chu mi pakhatin hawngpêk a ta; a pumrawhmang thilinhlân le, a inremna thilinhlânhai chu châwlnihaia thaw ang bawk khan buotsai a tih; chun, suok a ta, a suok hnung chun mi pakhatin dâi kawtkhâr chu khâr a tih.

LEVI DÂN 22:23

Mâni nuomthua thilinhlâna ding chun, bâwngchal khawm, berâmte khawm, kut le ke sei taluo amanih, tawi taluo amani khawm inhlân thei in tih; thutiemnaa ding ruok chun pawm ni naw nih.

LEVI DÂN 22:29

Lâwmthu hrilna inthâwia Lalpa kuoma in inthâwi pha, pawm tlâk in ni theina dingin in inthâwi ding a nih.

LEVI DÂN 23:38

Lalpa châwlnihai, in thilpêkhai, in thutiemhai po po le nuomthua in thilinhlânhai po po bâkah; chuong chu Lalpa kuoma in pêk hlak hrim an nih.

NAHUM 1:15

Tlânghaia chanchin ṭha intluna, inremna thu tlânginsampuituhai ke chu en ta! Aw Juda, i ruoiṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw che a, sukbohmang dêr a ni ta a nih.

NAMBAR 15:3

Lalpa kuomah meia thilinhlân, pumrawhmang thilinhlân amanih, thutiem hlen dinga inthâwina amanih, mâni nuom thua thilinhlân amanih, in Fekân ruoiṭhe hunbia manih, ran ruol laia mi amanih, berâm ruol laia mi amania Lalpa ta dinga riminhnik siem ding amania an inhlân pha chun,

DÂN PAHNINA 12:11

Lalpa in Pathienin a hming inumtirna ding a ruot ding hmuna hung lâk dinga ka ti po po chutaka chun in hung lâk ding a nih, in pumrawhmang thilinhlânhai, in sâwmapakhat dâm, in thên thilinhlânhai, Lalpa kuoma thutiema in tiem ṭha ṭhahai le chun.

DÂN PAHNINA 12:17

In ina chun sâwmapakhat, in bu dâm, in uoin dâm, in hriek dâm le in ran ruol le berâm ruol laia pieng hmasa takhai, in thutiema mi dâm, in nuomthua thilinhlânhai dâm, in thên thilinhlânhai chu fa thei naw ti niu a.

DÂN PAHNINA 12:26

In thil inthienghai le in thutiema mi chau chawi unla, Lalpain hmun a la ruot dinga chun fe ro.

DÂN PAHNINA 12:6

Chutaka chun in pumrawhmang thilinhlânhai, in inthâwinahai, in sâwmapakhat dâm, in thên thilinhlânhai dâm, in thutiem dâm, in nuomthua thilinhlânhai dâm, in ran ruol le in berâm ruol laia pieng hmasa takhai in hung lâk ding a nih.