LEVI DÂN 6:7 - Pathien Lekhabu Inthieng (BSI)

⁷ chun, thiempu chun Lalpa hmaah intlanna siempêk a ta, ngaidam nîng a tih, thiemnaw changna dinga thil a thaw taphawthai chungchânga chun,” tiin.

LEVI DÂN 6:7 ပူးပေါင်းရင်းမြစ်များ

FESUOKNA 34:7

sâng tamtak chunga hmangainaa sip, khawhlona le bawsietna le suolna ngaidam hlak, thiemnawa ngaihai ruok chu iengti khawma inthla el ngailo, pahai rîtlona nauhai, nauhai nauhai nâwk le suon thumna le suon lina chen chunga thung hlaktu a nih,” tiin a puong ta a.

ISAI 1:18

Lalpa chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

EZEKIEL 33:19

Chun, mi rilo chu a rîtlonaa inthawka ân her hmanga, ân dik le dân thil chu a thaw chun, chutaka bawk chun hring a tih.

LEVI DÂN 2:1

“Tukhawmin Fâkmi thilinhlân, Lalpa kuomah thilinhlâna ân hlân pha, a thilinhlân chu beiphit indîtak a ni ding a nih; hriek bur a ta, a chungah beraw khawm sie bawk a tih;

LEVI DÂN 4:20

Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 4:26

A thâu po po chu intlanna thilinhlân inthâwina thâu a râw angin maichâma chun a râw ding a nih; chun, a suol chungchâng thua chun thiempu chun intlanna siempêk a ta, ngaidam nîng a tih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun Lalpa ta dinga rim inhnik ni dingin maichâma chun a râw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 5:10

A pakhat nâwk chu dân angin pumrawhmang thilinhlân dingin inhlân a ta, thiempu chun a thil suksuol ta chungchânga chun intlanna siempêk a ta, ngaidam nîng a tih.

LEVI DÂN 5:13

Chun, chuong thilhai a ieng ieng khawm a lo suksuol ta chungchângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.

LEVI DÂN 5:18

Berâm ruol laia mi berâmchal demkailo amanih,a tlukpui amanih, bawsiet inthâwina ding chun thiempu kuomah a hung kei ding a nih; chun, thiempu chun, hre lova a thaw pal chungchânga chun intlanna siempêk a ta, ngaidam nîng a tih.

LEVI DÂN 6:8

Lalpa chun Mosie a biek a,

LEVI DÂN 7:2

Pumrawhmang thilinhlân an thatna hmuna chun bawsiet inthâwina khawm chu an that ding a nih; chun, a thisen chun maichâm chu an the vêl ding a nih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

MATTHAI 12:31

“Chuleiin, ka ti cheu hi, mi an suolna tinrênga le, Pathien an hrilsietna tinrênga chun ngaidam nîng an ta, Thlarau Inthieng meu hrilsetu ruok chu ngaidam ni naw ni hai.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.