LEVI DÂN 6:27 - Pathien Lekhabu Inthieng (BSI)

²⁷ Thil iengkhawm chu sa tâwk taphawt chu thil inthieng sie hran nîng a ta; chun, a thisen chu ieng puona khawm the kai a ni chun, a kaina taphawt chu hmun inthienga chun i sâwp ding a nih.

LEVI DÂN 6:27 ပူးပေါင်းရင်းမြစ်များ

FESUOKNA 29:37

Maichâm ta dingin ni sari sûng chu intlanna siem i ta, chun, inhlân i tih; chun, maichâm chu inthiengtak hung nîng a ta, maichâm tâwk taphawt chu inthieng ni tâng an tih.

FESUOKNA 30:29

Chun, inthiengtak an ni theina dingin inhlân i ta, chu chu tâwk taphawt chu inthieng an tih.

EZEKIEL 44:19

Chun, huon sûng tuollai puo lem, mipuihai umna huon sûng tuollai puo lema chun an hung suok pha chun, an rawngbâwlna an silfênhai kha an hlîp ding a na, chuong chu pindan inthienga chun sieng an ta, silfên dangin an inbel ding a nih, chuongchun, mipuihai chu an silfên hmanga an sukthieng naw nawna dingin.

LEVI DÂN 11:32

An thia thil iengkhawm an del chu inthiengnaw ni pei an tih; thil hmang lai phawt, thing hmangruo dâm, puon dâm, savun dâm, saiip dâm khawm ni sienla, tuia inchie ding a na, zântieng chenin inthieng naw nîng a tih; chu zo chun inthieng a tih.

LEVI DÂN 6:18

Aron thla pasal po pohai chun an fâk ding a nih. Chu chu Lalpa ta dinga pumrawhmang thilinhlân chungchânga in thlahai chena kumkhawtluong dân nîng a ta; chu chu tâwk taphawt chu inthieng pei an tih,” tiin.

LEVI DÂN 7:19

“Sa, thil inthiengnaw hrim hrim le intâwk chu fâk ding a ni naw a, râw el ding a nih. Sa chu ân thienghai po chun fa thei an ta,

HAGGAI 2:12

‘Miin a silfên puonhmawrin sa inthieng a pai a, chu puonhmawr chun bei amanih, thil suonghruoi amanih, uoin amanih, hriek amanih, sa amani khawm a tâwk chun inthieng a hung ni ding am a nih?’ ti hi,” tiin. Chuongchun, thiempuhai chun an dawn a, “Ni lo e,” an ta.

MATTHAI 14:36

chun, a puon hmawr bêk them thei an hni a; chun, a them phawt chu an hung dam ta pei a.

MATTHAI 9:21

“A puon hmawr chau khawm them lang sukdamin um el ka tih,” a ti lungril a.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

2 KORINTH 7:11

Chuongchun, hi thil hi inchik ro: Pathien dit zâwnga suklungngaina chun, thil lâk ursûnna dâm, pawi tâwk ve naw in nih ti inlangtir nuomna dâm, suol theidâna le suol ṭina dâm, chuong ang ngaituona hrât tak le ṭhahnemngaina tak dam, suol thawtu chu thunun dinga inpei zingna dâm, ân neitir cheu a ni hi. Iengkimah chuong thua chun in inthieng tah ti in suklang ta a.