LEVI DÂN 6:16 - Pathien Lekhabu Inthieng (BSI)

¹⁶ Chun, lâk mahla chu Aron le a naupasalhai chun an fâk ding a nih; chu chu hmun inthienga chun chawl ṭhang lovin fâng an ta; intuokna puon in tuolah an fâk ding a nih.

LEVI DÂN 6:16 ပူးပေါင်းရင်းမြစ်များ

2 CHANCHIN SUINA 31:14

Chun, saktieng dâi kawtkhâr vêngtu Levi mi Imna naupa Kore chu thil inthiengtakhai le, Lalpa kuoma thilpêkhai chu sem dinga, Pathien kuoma mâni nuomthua thilinhlânhai chunga hotu a nih.

FESUOKNA 12:8

Chu zân chun a sa chu meia rawin, chawl ṭhanglo bei leh fâng an ta; hlohna kha leh fâng an tih.

EZEKIEL 44:29

Bu thilinhlân dâm, suol thilinhlân dâm, bawsietna thilinhlân dâm chu fâng an ta; Israel laia thilhlân tinrênghai chu an ta nîng a tih.

LEVI DÂN 2:3

Fâkmi thilinhlân la lâk mahlahai chu Aron le a naupasalhai ta ding nîng a tih; chu chu Lalpa ta dinga mei hmanga thilinhlânhaia inthieng tak chu a nih.

LEVI DÂN 5:13

Chun, chuong thilhai a ieng ieng khawm a lo suksuol ta chungchângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.

LEVI DÂN 6:23

Thiempuin fâkmi thilinhlân ân hlân taphawt chu râwhmang vawng ding a na: fâk dêr lo ding a nih,” tiin.

LEVI DÂN 6:26

Suol inthâwina inhlântu thiempu chun fâng a ta; intuokna puon in tuolah, hmun inthiengah a fâk ding a nih.

NAMBAR 18:8

Chun, Lalpa chun Aron kuomah, “Ngai ta, kei hin ka ta dinga a thêna thên thilinhlân, Israel nauhai thilinhlânhai po po pumin nang le i naupasalhai ta dingin, kumkhuoa in chanpuol dingin ka pêk cheu a.

1 KORINTH 5:8

chuleiin, ruoi ṭhêng ei tiu, chawl hluia ṭhe lovin, nunsiet le suolna chawla ṭhe bawk lovin, takna le indikna chawlṭhanglo beiin ruoi ṭhe lem ei tiu.