LEVI DÂN 6:10 - Pathien Lekhabu Inthieng (BSI)

¹⁰ Thiempu chun a puonzai inhmi silfên inbel a ta, a taksa inkhumna dingin a puonzai inhmi kekawr chu bun a ta; chun, maichâma pumrawhmang thilinhlân kâng vâmhai chu lâng a ta, maichâm sîra chun a sie ding a nih.

LEVI DÂN 6:10 ပူးပေါင်းရင်းမြစ်များ

INPÂKNA HLABU 20:3

I thilinhlân po po chu hre zing sienla, I pumrawhmang thilinhlân chu lâwm raw se.

INPÂKNA HLABU 37:20

Mi rilohai ruok chu bohmang an ta, Lalpa dotuhai khawm phûl hlohna inno ang nîng an ta, Sukbohmangin um an ta, meikhuah inzâm hmang an tih.

EZEKIEL 44:19

Chun, huon sûng tuollai puo lem, mipuihai umna huon sûng tuollai puo lema chun an hung suok pha chun, an rawngbâwlna an silfênhai kha an hlîp ding a na, chuong chu pindan inthienga chun sieng an ta, silfên dangin an inbel ding a nih, chuongchun, mipuihai chu an silfên hmanga an sukthieng naw nawna dingin.

LEVI DÂN 1:13

a sûnghai le a kehai ruok chu tuiin sâwp a ta, a pumin thiempu chun inhlân a ta, maichâma chun a raw ding a nih; Lalpa ta dinga riminhniktak, mei hmanga pumrawhmang thilinhlân a nih.

LEVI DÂN 1:9

a sûnghai le a kehai ruok chu tuiin sâwp an ta; thiempu chun Lalpa ta dinga rim inhniktak, mei hmanga thilinhlân pumrawhmang thilinhlân dingin a pum chun maichâma chun a raw ding a nih.

LEVI DÂN 16:4

Puonzai inhmi zakaw chung chu hâk a ta, a tisa inkhumna dingin puonzai inhmi kekawr chu bun a ta, puonzai inhmi kâwngkhiin inhrêng a ta, puonzai inhmi lukhum a khum ding a nih; hieng hi silfên inthieng a nih. Insil zet zet a ta; chun, ân bel ding a nih.

LEVI DÂN 2:11

“Fâkmi thilinhlân hrim hrim Lalpa kuoma inhlân ding chu chawl ṭhanga siem ding a ni nawh; Lalpa ta dinga mei hmanga thilinhlâna ding chun chawl amanih, khuoizu amanih hrim hrim in râw ding a ni nawh.

LEVI DÂN 21:22

A Pathien fâkmi thilinhlâna mi, ân thieng tak le thil inthienghaia mi chu fa thei a ta;

LEVI DÂN 4:12

bâwngchal pumpui el chu, riebûk puotieng hmun faiah vut bunthlâkna hmuna chun hung lâng a ta, thing chungah meiin a râw ding a nih; vuthai bunthlâkna hmun ngeia chun râw a ni ding a nih.

LEVI DÂN 6:11

Chun, a silfên chu hlîp a ta, silfên dang inbel a ta, a vâmhai chu khawhnâwm tieng hmun faiah a fepui ding a nih.

LEVI DÂN 6:18

Aron thla pasal po pohai chun an fâk ding a nih. Chu chu Lalpa ta dinga pumrawhmang thilinhlân chungchânga in thlahai chena kumkhawtluong dân nîng a ta; chu chu tâwk taphawt chu inthieng pei an tih,” tiin.

LEVI DÂN 6:22

A naupasalhai laia mi a hnung thuoltu dinga hriek nâla um thiempu chun, kumkhaw dân dinga pêk a ni angin Lalpa kuomah inhlân a ta; a rêng el chun rawhmang ding a nih.

LEVI DÂN 8:2

“Aron chu a naupasalhai leh ṭhuoi la, silfênhai, hriek nâlmi dâm, suol inthâwina ding bâwngchal dâm, berâmchal pahni, chawl ṭhanglo bei bâwm khat le chun chawi bawk la;

NAMBAR 16:21

“Hieng mipuihai laia inthawk hin insiekieng ro; ka hung sukbohmang thut theina dingin,” tiin.

NAMBAR 16:35

Chun, Lalpa kuoma inthawkin mei a hung suok a, riminhnik inhlântu mi za hni le sâwmnga hai chu a hung kâng hlum ta a.

THUPUONGSUO 19:14

Vâna sipaihai chun, puon zai inhmi vârtak, faitak silin, sakawr vârhai chunga chuongin an zui a.

THUPUONGSUO 19:8

Puon zai inhmi faitak, vârtak sil phal pêk a ni a, (puon zai inhmi chu mi inthienghai thilthaw fel a ni si a.)

THUPUONGSUO 7:13

Chun, upahai laia pakhat chun, ka kuomah, “Hieng silfen vâra inthuomhai hi tuhai am an na, khâwtaka inthawka hung am an ni a?” tiin a mi biek a.