LEVI DÂN 5:6 - Pathien Lekhabu Inthieng (BSI)

⁶ a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LEVI DÂN 5:6 ပူးပေါင်းရင်းမြစ်များ

EZEKIEL 40:39

Chun, dâi kawtkhâr tuolpûk lût- naa chun, hi tieng sîrah dawkân pahni, khing tieng sîrah dawkân pahni bawk, pumrawhmang thilinhlân dâm, suol thilinhlân dâm, bawsietna thilinhlân dâm thatna dingin a um a.

EZEKIEL 42:13

Chun, ama chun ka kuomah, “Hmârtienga pindanhai le simtienga pindanhai, hmun âwl hmaa umhai hi, pindan inthieng, thiempu Lalpa hnaituhaiin thil inthiengtakhai an fâkna ding a nih; chutaka chun thil inthiengtakhai chau chu sieng an tih, bu thilinhlân dâm, suol thilinhlân dâm, bawsietna thilinhlân dâm chu; chu hmun chu ân thieng si a.

EZEKIEL 44:27

Chun, hmun inthienga, huon sûng tuollai sûngril lema, hmun inthienga rawngbâwl dinga a fe ni chun, a suol thilinhlân chu ân hlân ding a nih, Lalpa Pathien chun a tih.

LEVI DÂN 4:20

Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 4:28

thil a suksuol chu inhriettir a ni chun a thilinhlânah kêl, a pui demkailo, a thil suksuol tah suol inthâwina dingin a hung kei ding a nih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun Lalpa ta dinga rim inhnik ni dingin maichâma chun a râw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 4:32

“Suol inthâwina dinga a thilinhlâna berâmte a hung chawi chun, a la demkailo a hung chawi ding a nih.

LEVI DÂN 4:35

A thâu po po chu, berâmte thâu intlanna thilinhlân inthâwinaa mi lâk angin la vawng a ta; chun, thiempu chun Lalpa ta dinga mei hmanga thilinhlân angin maichâmah a râw ding a nih; chun, thiempu chun a thil suksuol ta chungchânga chun intlanna siempêk a ta, ngaidam nîng a tih.

LEVI DÂN 6:6

A bawsiet inthâwina dingin, berâm ruol laia mi, i ngaia bawsiet inthâwina dinga âwmtâwk, berâmchal demkailo Lalpa ta dingin thiempu kuomah a hung kei ding a nih;

NAMBAR 6:12

Thiemnaw thâwina dingin berâmte a chal kum khat mi hung chawiin ân suktumna nihai chu Lalpa kuomah thaw ṭha nâwk a tih; ân suktumna chu sukpawrche a ni tâk leiin a hmaa mi kha iengkhawm a ni ta si naw a.