LEVI DÂN 5:4 - Pathien Lekhabu Inthieng (BSI)

⁴ Tukhawma thil ṭha naw amanih, thil ṭha amanih thaw dinga, ieng dâwn loa ṭawng ân khâm zung zung chun, a hriet suok huna chun, ân khâm zung zungna ṭawngbau a ieng ienga khawm chun thiemnaw chang a tih.

LEVI DÂN 5:4 ပူးပေါင်းရင်းမြစ်များ

2 SAMUEL 21:7

Nisienlakhawm, lal chun Lalpa kuomah David le Saula naupa Jonathan kâra, an pahni inkâra ṭawng inkhâmna leiin Saula naupa Jonathan naupa Mephiboseth chu a hum a.

2 LALHAI 6:31

Chuongchun, ama chun, “Vawisûn hin Saphat naupa Elisa chun a lu a la put hrim hrim chun, Pathien chun a law law mi law el raw se, chu nêka nasa hman khawm chun,” a ta.

INPÂKNA HLABU 106:33

A thlarau chungah an hel a, A hmûra ṭha nawtaka a hril leiin.

LEVI DÂN 5:13

Chun, chuong thilhai a ieng ieng khawm a lo suksuol ta chungchângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.

LEVI DÂN 5:3

Mihriem inthiengnawna ieng ang khawm, a thiengnawna hre lova a them pal khawmin, a hriet suok pha chun thiemnaw chang a tih.

NAMBAR 30:6

Thutiemin amanih, thu dâwn lova intiemnain amanih a del zing laia pasal a nei a,

NAMBAR 30:8

Amiruokchu, a pasal chun a hriet huna a phal naw chun a chunga thutiem um le thu dâwn lova ân tiemna chu sukbo a tih; chun, Lalpain ngaidam a tih.

MATTHAI 14:7

Chuleichun, a ihni taphawt pe dingin inkhâmin ân tiem ta a.

MATTHAI 14:9

Chun, lal chu a lungngai ta a; nisienlakhawm, a thutiem le a thlaithlêng awtpuihai lei chun pêk ding thu a pêk a;

MARKA 6:23

“Iengkhawm i mi hni phawt chu, ka ram chenve rau khawm pêng ka ti che,” tiin a kuomah a lo inkhâm ta bawk a.

THILTHAWHAI 23:12

Chun, nisa a suok chun Judahai an ṭhang ruol a, Paula an that hmakhat chu iengkhawm faa dâwn lo dingin an inkhâm a.

JOSUA 2:14

Mihai chun amanu kuoma chun, “Kan thilthaw hi i hril suok naw ding chun in thi ai thîng kan tih. Lalpain ram hi a mi pêk pha chun lunginsiet chein, i chungah ringumtakin thâwng kan tih,” an ta.

JOSUA 9:15

Chuongchun, Josua chun anni le chun inremna a siem a, anni chu hlâ dingin an inkârah thuthlung a siem ta a, chun, a pungkhâwmhai laia mi lienhai khawm chun an kuomah ṭawng an inkhâm ta a.

RORELTUHAI 11:31

Ammon mihai kuoma inthawka râlmuonga ka in ka kîr nâwk pha chun iengkhawm ka kawtkhâra mi hung tuok hmasatak phawt chu, Lalpa ta ding nîng a ta, pumrawhmang thilinhlân dingin hmang ngei ngei ka tih,” tiin.

RORELTUHAI 21:18

Ei naunuhmeihai hlak nuhmeiah ei inneitir thei si naw a, Israel thlahai chun, ‘Tukhawm Benjamin mi nuhmei ding pe taphawt chu ṭawngsephurin um raw se,’ tiin ṭawng ei lo inkhâm ta si a.

RORELTUHAI 21:7

A la um sunhai ta ding chun an nuhmei ding iengtin am ei thaw ding nîng a ta le? Ei naunuhmeihai hi nuhmeia inneitir dêr lo dingin Lalpa hming sâlin ṭawng ei lo inkhâm ta si a,” an ti a.

RORELTUHAI 9:19

vawisûn hin Jerubbaal le a sûnghai chunga thaw takzet le feltaka thaw in ni chun chu, Abimelek chunga hin lâwm ro; chun, ama khawm in chungah lâwm raw se;

1 SAMUEL 1:11

Chun, thu a tiem a, “Aw sipaihai Lalpa, i suoknu tlâwmzie hi i hriet tak meu a, i mi hriet zing a, i suoknu hi i mi theinghil naw a, i suoknu hi naupasal i pêk chun a dam sûng po chu Lalpa pe ve thung ka ta, a lu khawm vâw hrim hrim ni naw ni,” a ta.

1 SAMUEL 25:22

Zingah zîng khawvar chena a ta po po laia pasal naupang pakhat chau hringna khawm ka hla a ni chun Pathienin David chu a thaw thawin thaw raw se, chu nêka nasa khawmin,” a ti ta si a.