Elam naupasalhai laia pakhat, Jehiel naupa Sekania chun Ezra chu a dawn a, a kuomah, “Ei Pathien chunga chun ei bawsiet ta chu a na, hi rama mihai hmêlmak nuhmeihai chu nuhmeia dâm ei nei ta a, amiruokchu, hi chungthua hin Israel mi ta ding hin beisei um a la um a nih.
I chungah, i chung chauah thil ka suksuol a, I mithmuah thil suol ka lo thaw ta a: Thu i hrilin thiem în changtir thei a, Ro i rêlin demkailo i ni theina dingin.
“Nangni laia tukhawmin Lalpain thaw lo dinga thu a pêkhai thawin a lo suksuol chun, hriet naw leia a thaw khawm ni sien,thiemnaw chang ning a ta,a suksuol maw chu phur a tih.
Berâm ruol laia mi berâmchal demkailo amanih,a tlukpui amanih, bawsiet inthâwina ding chun thiempu kuomah a hung kei ding a nih; chun, thiempu chun, hre lova a thaw pal chungchânga chun intlanna siempêk a ta, ngaidam nîng a tih.
Mihriemin Pathien chu ân rûkpêk ding am a nih? Nangni chun in mi lân rûkpêk rawp el hi. Nisienlakhawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.