LEVI DÂN 5:18 - Pathien Lekhabu Inthieng (BSI)

¹⁸ Berâm ruol laia mi berâmchal demkailo amanih,a tlukpui amanih, bawsiet inthâwina ding chun thiempu kuomah a hung kei ding a nih; chun, thiempu chun, hre lova a thaw pal chungchânga chun intlanna siempêk a ta, ngaidam nîng a tih.

LEVI DÂN 5:18 ပူးပေါင်းရင်းမြစ်များ

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu Lalpa hmaa pawm a ni theina dingin intuokna puon in kawtkhâr bula chun ân hlân ding a nih.

LEVI DÂN 1:4

Pumrawhmang thilinhlân lu chunga chun a kut innghat a ta; chuongchun, a ta dingin intlanna siemna dingin pawmpêk ning a tih.

LEVI DÂN 14:12

Thiempu chun berâmte pakhat chu hriek limlai khat le chun lâng a ta, bawsiet inthâwina dingin inhlân a tih; Lalpa hmaa thêna thilinhlân dingin a thên ding a nih.

LEVI DÂN 4:20

Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 5:17

“Nangni laia tukhawmin Lalpain thaw lo dinga thu a pêkhai thawin a lo suksuol chun, hriet naw leia a thaw khawm ni sien,thiemnaw chang ning a ta,a suksuol maw chu phur a tih.

LEVI DÂN 5:19

Chu chu bawsiet inthâwina a nih, Lalpa hmaa thiemnaw chang a ni ngei a nih,” tiin.

NAMBAR 15:24

pungkhâwmhaiin hre lova thawpal a ni chun, pungkhâwmhai po po chun pumrawhmang thilinhlân Lalpa ta dinga riminhnikah bâwng tuoi pakhat inhlân an ta, a dân pângngai angin beiphit thilinhlân le dâwnmi thilinhlân leh, suol thâwina dingin kêlchal pakhat an inhlân sa bawk ding a nih.