LEVI DÂN 5:16 - Pathien Lekhabu Inthieng (BSI)

¹⁶ Thil inthieng chunga a lo sukdik nawna chu thung a ta, a hmun ngaa ṭhea hmun khat bel a ta, thiempu chu a pêk ding a nih; chun, thiempu chun bawsiet inthâwina berâmchal chun intlanna siempêk a ta, ngaidam nîng a tih.

LEVI DÂN 5:16 ပူးပေါင်းရင်းမြစ်များ

INPÂKNA HLABU 69:4

A san boa a mi theidatuhai chu ka samzai nêkin an tam lem a, Indiknawtaka mi doa, mi sukbohmang tumtuhai chu mi hrâttak an nih, Kân rûk dêr naw khawm an min rultir a.

FESUOKNA 22:1

“Mîn bâwngchal amanih, berâm inru sienla, lo zawrin amanih lo that sienla; bâwngchal pakhat aia chun bâwngchal panga pêng a ta, berâm pakhat aia chun berâm pali a pêk ding a nih.

LEVI DÂN 22:14

Mîn hre lova thil inthieng chu a fâk chun, a hmun ngaa ṭhea hmun khat chu sie sâng a ta, thil inthieng chu thiempu a pêk ding a nih.

LEVI DÂN 27:13

Amiruokchu, ân tlan nâwk nuom chun, a man ruot zât hmun ngaa ṭhea hmun khat a bel ding a nih.

LEVI DÂN 27:15

Ân hlântu chun a in chu ân tlan nâwk ding chun, a man dinga ruot zât hmun ngaa ṭhea hmun khat a bel ding a nih; chuongchun, a ta ni nâwk a tih.

LEVI DÂN 27:27

Ran inthieng naw a ni chun, i ruot dân angin ân tlan ding a na, hmun ngaa ṭhea hmun khat a bel ding a nih; intlan a ni naw chun, a man i ruot dân angin zawr ding a nih.

LEVI DÂN 27:31

Miin a sâwma pakhat a ieng khawm intlan a nuom chun, hmun ngaa ṭhea hmun khat a bel ding a nih.

LEVI DÂN 4:20

Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 4:26

A thâu po po chu intlanna thilinhlân inthâwina thâu a râw angin maichâma chun a râw ding a nih; chun, a suol chungchâng thua chun thiempu chun intlanna siempêk a ta, ngaidam nîng a tih.

LEVI DÂN 5:10

A pakhat nâwk chu dân angin pumrawhmang thilinhlân dingin inhlân a ta, thiempu chun a thil suksuol ta chungchânga chun intlanna siempêk a ta, ngaidam nîng a tih.

LEVI DÂN 5:13

Chun, chuong thilhai a ieng ieng khawm a lo suksuol ta chungchângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LEVI DÂN 7:2

Pumrawhmang thilinhlân an thatna hmuna chun bawsiet inthâwina khawm chu an that ding a nih; chun, a thisen chun maichâm chu an the vêl ding a nih.

NAMBAR 5:7

a suksuolnaa chun thupha a chawi ding a nih; chun, a suksuol man chu kimtaka thung ding a na, a hmun ngaa ṭhea hmun khat a suksuolnapa chu a pêk belsa ding a nih.

NAMBAR 5:8

Amiruokchu, mi chun suol man intêltu ding laibung a nei naw chun, a suksuol man chu Lalpa kuomah inhlân a ta, thiempu chanpuol ding nîng a tih, a ta dinga intlanna berâmchal a siem bâka chun.

LUKA 19:8

Chun, Zakai chu a ngir a, Lalpa kuoma chun, “Ngai ta, Lalpa, ka sum zâtve pasiehai kuomah pêng ka ta; chun, tu chunga khawm thil ieng khawm lo hlêpru ka ni chun a lêt liin thung nâwk ka tih,” a ta.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

1 SAMUEL 6:3

Anni chun, “Israelhai Pathien bâwm hi infetir ding in ni khawma a ruok chun infetir dêr naw ro, a kuomah bâwsiet inthâwina inhlân ngei ro, chuongchun, sukdamin um in ta, nangnia inthawka a kut lâk sawn a ni nawna san khawm hre tâng in tih,” an ta.