LEVI DÂN 5:11 - Pathien Lekhabu Inthieng (BSI)

¹¹ Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit indîtak epha hmun sâwma ṭhea hmun khat hung chawi a ta; hriek a nâl ding a ni naw a, a chungah berâw khawm a sie ding a ni nawh, suol inthâwina a ni leiin.

LEVI DÂN 5:11 ပူးပေါင်းရင်းမြစ်များ

FESUOKNA 16:18

Chun, omer khat peia an inkhi chun a rût tamtu khawm chun a chuong iengkhawm a nei naw a, a rût tlâwmtu khawm chu a tlasam chuong naw bawk a; mi tin fâk tâwk ang peiin an rût ta a.

FESUOKNA 16:36

(Omer khat chu Epha hmun sâwma ṭhea hmun khat a nih.)

LEVI DÂN 1:14

“Lalpa ta dinga a thilinhlân chu vate tieng pumrawhmang thilinhlân a ni chun, a thilinhlâna chun, vaṭhuhai amanih, pârvate amanih ân hlân ding a nih.

LEVI DÂN 12:8

Chun, a neiin berâmte a tlin naw chun, vaṭhu tuok khat amanih, pârvate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuongchun, inthieng ni tâng a tih,’ tiin hril rawh,” tiin.

LEVI DÂN 14:21

“Chun, mi pasie a ni a, chuong ang chu a tlin naw chun, berâmte a chal pakhat bawsiet inthâwina ding, intlanna siempêkna ding thên ding le, fâkmi thilinhlân dingin beiphit inditak epha hmun sâwma ṭhea hmun khat, hrieka chawkpawl, hriek limlai khat leh chawi a ta;

LEVI DÂN 27:8

Amiruokchu, i ruot nêka a lo pase chun, thiempu kuoma ṭhuoi ding nîng a tih, thiempu chun lo ruot a tih; thutiemtu thei ang tâwk tâwk thiempu chun lo ruot a tih.

LEVI DÂN 5:12

Thiempu kuoma chun hung chawi a ta, thiempu chun hrietzingna puola dingin a vei khat lâng a ta, maichâm chungah Lalpa kuoma mei hmanga thilinhlân angin a râw ding a nih; chu chu suol inthâwina a nih.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LEVI DÂN 5:9

suol inthâwina thisen chu maichâm panga chun tlâwmte thêng a ta; thisen la um po chu maichâm bula chun infar kangtir ding a nih; chu chu suol inthâwina a nih.

LEVI DÂN 6:20

“Hriek nâla an um nia Aron le a naupasalhaiin Lalpa kuoma an inhlân ding thilinhlân chu hi hi a nih: fâkmi thilinhlân ding, beiphit inditak epha hmun sâwma ṭhea hmun khata mi, a zâtve zîngkâr, a zâtve zântieng.

NAMBAR 5:15

chuong ang a ni chun a pasal chun a ta dinga thilinhlân buṭei beiphit epha hmun sâwma ṭhea hmun khat chawiin a nuhmei chu thiempu kuomah a ṭhuoi ding a nih, hriek a buok ding a ni naw a, riminhnik a nâl ding a ni bawk nawh; thîk inthâwina fâkmi thilinhlân, hrietzingna thilinhlân rîtlona hriet suokna a ni leiin.

NAMBAR 7:13

a thilinhlân chu tangkaruo thlêng pakhat a rikzie chu shekel za le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

LUKA 2:24

Lalpa kuoma inhlân ding le vaṭhu tuok khat amanih, pârva tê pahni amanih Lalpa Dân thua ziek anga that dingin.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngaidamna hrim a um nawh.