LEVI DÂN 4:32 - Pathien Lekhabu Inthieng (BSI)

³² “Suol inthâwina dinga a thilinhlâna berâmte a hung chawi chun, a la demkailo a hung chawi ding a nih.

LEVI DÂN 4:32 ပူးပေါင်းရင်းမြစ်များ

FESUOKNA 12:3

Israel mi inkhâwmhai po po lai chun hril unla, ‘hi thla ni sâwm ni tak hin, mi tinin an pahnamhai ang peiin berâmte pakhat, sûng khat ta dingin berâmte pakhat la seng raw hai se:

FESUOKNA 12:5

In berâmte chu a chal kum khat mi, demkailo a ni ding a nih, kêl ruol laia inthawkin, annawleh, berâm ruol laia inthawkin la tum in tih,

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu Lalpa hmaa pawm a ni theina dingin intuokna puon in kawtkhâr bula chun ân hlân ding a nih.

LEVI DÂN 4:28

thil a suksuol chu inhriettir a ni chun a thilinhlânah kêl, a pui demkailo, a thil suksuol tah suol inthâwina dingin a hung kei ding a nih.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 1:36

chun, Isu invâk vêl lai chu an en a, “En ta u, Pathien Berâmte saw,” a ta.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 PETER 2:22

Ama chun thil hrim a suksuol naw a, a bauah zâwrna hrim a um bawk nawh.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

THUPUONGSUO 5:6

Chun, lalṭhungpha le thilhring pali hai inkârah, upahai laia chun, Berâmte that ta hnung ang, ki pasari le mit pasari nei, ngîr ka hmu a, chuong mit pasari chu Pathien Thlarau pasari, hnuoi chung po poa tir suokhai chu an nih.