LEVI DÂN 4:20 - Pathien Lekhabu Inthieng (BSI)

²⁰ Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 4:20 ပူးပေါင်းရင်းမြစ်များ

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a ni a, chuleiin, Lalpa kuomah tuhin hang fêng ka tih, in suolna ta dingin intlanna ka siem thei tâkduoiin,” a ti a.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

LEVI DÂN 1:4

Pumrawhmang thilinhlân lu chunga chun a kut innghat a ta; chuongchun, a ta dingin intlanna siemna dingin pawmpêk ning a tih.

LEVI DÂN 12:8

Chun, a neiin berâmte a tlin naw chun, vaṭhu tuok khat amanih, pârvate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuongchun, inthieng ni tâng a tih,’ tiin hril rawh,” tiin.

LEVI DÂN 14:18

Chun, thiempu chun a kuta hriek la um po chun, inthien ding lu chu nâl a tih. Chun, thiempu chun Lalpa hmaah intlanna a siempêk ding a nih.

LEVI DÂN 15:15

Chun, thiempu chun suol inthâwina dingin pakhat, pumrawhmang thilinhlâna dingin pakhat chu ân hlân ding a nih; chuongchun, thiempu chun a thilpût thua chun Lalpa hmaah intlanna siempêk a tih.

LEVI DÂN 19:22

Chun, a thil suksuol taa bawsiet inthâwina dingin thiempu chun berâmchalin Lalpa hmaah intlanna siempêk a tih; chuongchun, a thil suksuolnaa chun ngaidam nîng a tih.

LEVI DÂN 4:21

Chun, bâwng chu khawhnâwm tieng fepui a ta, bâwng hmasa a râw ang khan a râw ding a nih; chu chu mipuihai ta dinga suol inthâwina a nih.

LEVI DÂN 4:26

A thâu po po chu intlanna thilinhlân inthâwina thâu a râw angin maichâma chun a râw ding a nih; chun, a suol chungchâng thua chun thiempu chun intlanna siempêk a ta, ngaidam nîng a tih.

LEVI DÂN 4:35

A thâu po po chu, berâmte thâu intlanna thilinhlân inthâwinaa mi lâk angin la vawng a ta; chun, thiempu chun Lalpa ta dinga mei hmanga thilinhlân angin maichâmah a râw ding a nih; chun, thiempu chun a thil suksuol ta chungchânga chun intlanna siempêk a ta, ngaidam nîng a tih.

LEVI DÂN 4:8

Chun, suol inthâwina bâwngchal thâu po po chu la vawng a ta, a sûng thâu le a rîlbâwtu po po leh,

LEVI DÂN 5:10

A pakhat nâwk chu dân angin pumrawhmang thilinhlân dingin inhlân a ta, thiempu chun a thil suksuol ta chungchânga chun intlanna siempêk a ta, ngaidam nîng a tih.

LEVI DÂN 5:13

Chun, chuong thilhai a ieng ieng khawm a lo suksuol ta chungchângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.

LEVI DÂN 5:16

Thil inthieng chunga a lo sukdik nawna chu thung a ta, a hmun ngaa ṭhea hmun khat bel a ta, thiempu chu a pêk ding a nih; chun, thiempu chun bawsiet inthâwina berâmchal chun intlanna siempêk a ta, ngaidam nîng a tih.

LEVI DÂN 5:18

Berâm ruol laia mi berâmchal demkailo amanih,a tlukpui amanih, bawsiet inthâwina ding chun thiempu kuomah a hung kei ding a nih; chun, thiempu chun, hre lova a thaw pal chungchânga chun intlanna siempêk a ta, ngaidam nîng a tih.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LEVI DÂN 6:7

chun, thiempu chun Lalpa hmaah intlanna siempêk a ta, ngaidam nîng a tih, thiemnaw changna dinga thil a thaw taphawthai chungchânga chun,” tiin.

NAMBAR 15:25

Chun, thiempu chun Israel mipui pungkhâwm po po ta ding chun inremna siem a ta, ngaidam nîng an tih, thawpal a ni lei le, an thilinhlân Lalpa ta dinga meia thilinhlân le an suol aia suol thâwina an inhlân ta leiin.

NAMBAR 15:28

Hre lova Lalpa hmaa suksuoltu ta ding chun thiempu chun inremna a siem ding a nih; chuongchun, ngaidam nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni naw a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,