LEVI DÂN 27:8 - Pathien Lekhabu Inthieng (BSI)

⁸ Amiruokchu, i ruot nêka a lo pase chun, thiempu kuoma ṭhuoi ding nîng a tih, thiempu chun lo ruot a tih; thutiemtu thei ang tâwk tâwk thiempu chun lo ruot a tih.

LEVI DÂN 27:8 ပူးပေါင်းရင်းမြစ်များ

2 LALHAI 7:5

Chuongchun, Suria mihai riekhmuna fe ding chun thimbut hin an inthawk suok ta a; chun, Suria mihai riekhmun tawntir an va tlung chun, ngai ta, tukhawm an lo um naw a.

JEREMIA 5:7

Iengtin am ngaidam thei ka ti che a? I thlahai chun an mi nghatsan ta a, pathien ni lohaia chun an inkhâm ta a; khawptaka ka châwm lai khawmin, an uire ta a, nawchizawr inahaia chun a pâwl pâwlin anni chu an inkhâwm tâwl a.

LEVI DÂN 12:8

Chun, a neiin berâmte a tlin naw chun, vaṭhu tuok khat amanih, pârvate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuongchun, inthieng ni tâng a tih,’ tiin hril rawh,” tiin.

LEVI DÂN 27:7

Kum sâwmruka inthawka chung tieng a ni chun, i ruot dân ding chu, pasal chu shekel sâwmpanga, nuhmei chu shekel sâwm nîng a tih.

LEVI DÂN 27:9

“Thilinhlân Lalpa kuoma an inhlân ding chu ran a ni chun, tukhawma Lalpa kuoma chuong ang an pêk hrim hrim chu thil inthieng a ni ding a nih.

LEVI DÂN 5:11

Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit indîtak epha hmun sâwma ṭhea hmun khat hung chawi a ta; hriek a nâl ding a ni naw a, a chungah berâw khawm a sie ding a ni nawh, suol inthâwina a ni leiin.

LEVI DÂN 5:7

“A neiin berâmte chu a tlin naw ruok chun, Lalpa kuoma inhlân dingin, a suol thaw ta leia bawsietna inthâwina dingin; vaṭhu pahni amanih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.

MARKA 14:7

Pasiehai chu kumkhuoa in kuoma um an na, in nuom phâ phâ anni chu in lunginsiet thei annâwm, kei ruok chu kumkhuoa in kuoma um ding ka ni nawh hi.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.