LEVI DÂN 27:3 - Pathien Lekhabu Inthieng (BSI)

³ Pasal a ni chun i ruot dân ding chu, kum sâwmhnia inthawka kum sâwmruk mi chu, hmun inthieng shekel ang, tangka shekel sâwmnga hu nîng a tih.

LEVI DÂN 27:3 ပူးပေါင်းရင်းမြစ်များ

2 LALHAI 12:4

Chun, Jehoas chun thiempuhai kuomah, “Lalpa ina lâklût, thil ser intlanna sum po po tiem sa tahai laia fe taphawthai ta dinga tuk, an hringna intlanna sum dâm, tukhawma Lalpa ina lâk lût an phal sum po pohai chu,

FESUOKNA 30:13

Intiemnaa tiema um taphawt chun pêng a tih: Hmun Inthieng sum dingin shekel chenve (shekel khat chu gerah sâwmhni a nih), Lalpa kuoma thilinhlân dingin shekel chenve bawk pêng a tih.

FESUOKNA 38:24

Hmun Inthieng sinthawnaa hmang rângkachak thilpêk, rângkachak hmang tahai po po chu Hmun Inthieng tangka bûk dân angin talent sâwmhni pakuo le shekel za sari le sâwmthum a nih.

LEVI DÂN 27:14

“Mîn a in chu Lalpa chanpuol dinga ân hlân chun, a ṭhat le ṭhat naw zirin thiempu chun a ruot ding a nih; thiempu ruot ang chu nîng a tih.

LEVI DÂN 27:25

Chun, man sut dân po po chu hmun inthieng shekel ang huin a ni ding a nih; shekel khat chu gera sâwmhni nîng a tih.

LEVI DÂN 27:4

Nuhmei a ni chun i ruot dân ding chu, shekel sâwmthum nîng a tih.

LEVI DÂN 5:15

“Tukhawmin thil a suksuol a, Lalpa thil inthienghai chunga a suol pal chun, a bawsiet inthâwina dingin, a ruol laia mi berâmchal demkailo, hmun inthieng shekel anga tangka shekel iemani zât hua ngai chu, Lalpa kuomah a hung kei ding a nih; chu chu bawsiet inthâwina a nih.

LEVI DÂN 6:6

A bawsiet inthâwina dingin, berâm ruol laia mi, i ngaia bawsiet inthâwina dinga âwmtâwk, berâmchal demkailo Lalpa ta dingin thiempu kuomah a hung kei ding a nih;

NAMBAR 18:16

Thla khat a ni chun intlan dinghai chu intlanna man i ruot angin hmun inthienga shekel hmang dân angin, shekel ngaa intlan ding a nih, (shekel chu gera sâwmhni a nih).

NAMBAR 3:47

a lukipin shekel nga seng i lâk ding a nih; hmun inthieng shekel angin i lâk ding a na, (shekel chu gera sawmhni a nih);