LEVI DÂN 27:28 - Pathien Lekhabu Inthieng (BSI)

²⁸ “Amiruokchu, thil siehran, mîn a thil neihai laia mi Lalpa puola a siehran taphawt chu, mihriem amanih, ran amanih, a rama lo amani chu zawr ding a ni naw a, intlan ding a ni bawk nawh; siehran thil phawt chu Lalpa ta dinga inthieng tak a nih.

LEVI DÂN 27:28 ပူးပေါင်းရင်းမြစ်များ

2 CHANCHIN SUINA 31:14

Chun, saktieng dâi kawtkhâr vêngtu Levi mi Imna naupa Kore chu thil inthiengtakhai le, Lalpa kuoma thilpêkhai chu sem dinga, Pathien kuoma mâni nuomthua thilinhlânhai chunga hotu a nih.

FESUOKNA 22:20

“Lalpa ti chau lo pathien dang hrim hrim kuoma inthâwi chu sukbohmang dêr nîng a tih.

EZEKIEL 44:29

Bu thilinhlân dâm, suol thilinhlân dâm, bawsietna thilinhlân dâm chu fâng an ta; Israel laia thilhlân tinrênghai chu an ta nîng a tih.

EZEKIEL 48:14

An zawr ding a ni naw a, inthleng khawm inthleng bawk naw ni hai; chu ram ra hmasatakhai khawm chu mi dang chana siem ding a ni nawh; Lalpa chanpuol a ni si a.

LEVI DÂN 21:22

A Pathien fâkmi thilinhlâna mi, ân thieng tak le thil inthienghaia mi chu fa thei a ta;

LEVI DÂN 27:21

jubili kuma a suok nâwk pha chun, lo chu Lalpa ta dinga inthieng, a chanpuola lo siem bîk ang nîng a ta, thiempu chan ding nîng a tih.

LEVI DÂN 27:27

Ran inthieng naw a ni chun, i ruot dân angin ân tlan ding a na, hmun ngaa ṭhea hmun khat a bel ding a nih; intlan a ni naw chun, a man i ruot dân angin zawr ding a nih.

LEVI DÂN 27:29

Mi, nangni laia inthawka sukbohmang dinga siehran taphawt chu intlan ding a ni naw a, sukhlum ngei ding a nih.

NAMBAR 18:14

Israelhai thilinhlân po po chu i ta nîng a tih.

MATTHAI 25:41

“Chu zoa chun a vawitienga mihai kuoma khawm chun, ‘ṭawngsephurhai, kumkhuo mei diebol le a tirkohai ta dinga an buotsaia chun mi fe hmangsan ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:3

Ka unauhai, taksa tienga ka chipuihai aiin, kei hi Krista kuoma inthawka ṭhe thlâk khawp hiela thusie phurin um lang ka ti lem a nih,

1 KORINTH 16:22

Tûkhawmin Lalpa a hmangai naw chun ṭawngsephurin um raw se. Ei Lalpa chu a hung ie .

GALATI 3:10

Dân thilthawa um taphawthai chu ṭawngse hnuoiah an um si a, “Dân Lekhabua thu ziek po po anga thaw dinga um zing naw taphawt chu ṭawngsephurin an um hlak,” ti ziek a ni si a.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

DÂN PAHNINA 25:19

Chuleiin, Lalpa in Pathienin hluo dinga ram a pêk pha cheua in vêla in hmêlmahai po po laia inthawka Lalpa in Pathienin râlmuongna a pêk pha cheu chun vânkhuphnuoia Amalek mihai hriet zingna chu in sukbo dêr ding a nih; in theinghil dêr ding a ni nawh.

DÂN PAHNINA 7:26

In in sûngah thil tirdakum la lûtin chu thil ang chun ṭawngsephurah in insiem ding a ni nawh; tirdakum namên lova tirdakin in theida hle ding a nih, ṭawngsephur thil a ni si a.

JOSUA 6:26

Chuong lai chun Josua chun, “Hi Jeriko khuo hi hung indina hung bâwl taphawt chu Lalpa hmaa chun ṭawngsephurin um raw se, a nau lutîr chu chânin a lungphûm chu phûm a ta, a nau mitlum chânin a kul kawtkhârhai chu indin a tih,” tiin anni chu a vau a.

JOSUA 7:1

Amiruokchu, Israelhai chun thil inserhai chu an lo bawsiet a. Juda hnama mi Zera naupa Zabdi, chu naupa Karmi, chu naupa Akan chun thil ser ṭhenkhat chu a lo lâk a; chuongchun, Israelhai chunga chun Lalpa lung a lo sen ta a.

JOSUA 7:25

Chun, Josua chun, “Iengdinga i mi suklungzîng am a na? Lalpa chun nang khawm vawisûn hin a suklungzîng ve ding che a ni hi,” a ta. Chuongchun, Israelhai po po chun ama chu lungin an dêng a; chun, ama chu meiin an raw a, lungin an dêng bawk a.

RORELTUHAI 21:11

In thaw dân ding chu hieng ang hi a nih, pasal tin le nuhmei tin, pasal zâlpui taphawt chu in sukhlum vawng ding a nih,” tiin.

RORELTUHAI 21:18

Ei naunuhmeihai hlak nuhmeiah ei inneitir thei si naw a, Israel thlahai chun, ‘Tukhawm Benjamin mi nuhmei ding pe taphawt chu ṭawngsephurin um raw se,’ tiin ṭawng ei lo inkhâm ta si a.

RORELTUHAI 21:5

Chun, Israel thlahai chun, “Israel pahnam po po laia Lalpa kuoma pungkhâwmhai laia hang ṭhang ve naw chu tuhai am an ni a?” an ti a. Mizpaa Lalpa hmaa hang fe naw taphawt chu, “Sukhlum ngei ding nîng a tih,” tiin ṭawng an lo inkhâm ta tlat si a.

1 SAMUEL 15:18

chun, Lalpa chun a tir suok che a. ‘Fe la, mi suolhai, Amalek mihai chu sukhlum vawng la, an bohmang dêr hmakhat chun thaw pei rawh,’ a ti che a.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr lovin sukbohmang vawng rawh; nuhmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.