LEVI DÂN 26:5 - Pathien Lekhabu Inthieng (BSI)

⁵ In hrizâwla bu chun grêp lo hun man phâk a ta, in grêp lo hun chun thil chîng hun man phâk a ta; in bei chu tlaitakin chên in ta, in rama hin thlamuongtakin khawsâng in tih.

LEVI DÂN 26:5 ပူးပေါင်းရင်းမြစ်များ

INPÂKNA HLABU 144:13

Ei bu inhai a hung sip a, thil tinrêng a um rei rui a, Ei berâmhai khawma tê a sânga sâng tamtak, a sînga sîng tamtak ei phûlhaia an nei phâleh;

INPÂKNA HLABU 90:1

Lalpa nang chu suon po po chena kan umna i ni hlak,

FESUOKNA 16:8

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun Lalpa a nih ti hrieng in tih, a chunga in chiernahai chu Lalpa chun a hriet si a: keini chu ieng am kan ni a? In chierna chu keini chungah ni lovin Lalpa chungah a ni lem in sawnnaw,” a ti a.

THUVARHAI 1:33

Amiruokchu, tukhawm keia thu ngai chu himtakin chêng a ta, Rîtlona ṭi dêr lovin um ṭawk ṭawk a tih.

THUVARHAI 18:10

Lalpa hming chu kulbîng dettak a na, Mi fel chu chutaka chun a tlân lût a, a him hlak.

ISAI 1:19

Tiâwitak le thuâwitaka in um chun, in rama thil ṭhahai hi fâng in ta;

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

HOSEA 2:18

Chu nia chun ramsahai, chunglêng vatehai, hnuoia thilhringhai le an ta dingin thuthlung siem ka ta; thalngulhai, kâwlhnâm dâm le indo nahai hi hnuoia inthawkin sukbohmang ka ta, himtakin inum hmunkhattir ka tih.

HOSEA 2:20

Ringumnain huol ka ti che a, chuongchun, Lalpa chu hrieng i tih,

JOEL 2:19

Lalpa chun a dawn a, a mihai kuomah, “Ngai unla, in kuomah bu dâm, uoin dâm, hriek dâm hung intlun ka ta, chuonghaia chun tlai in ta: hnamhai laia chun hrilsietin inumtir nâwk ta naw ning cheu a:

JOEL 2:22

Ranhai, ṭi naw ro, thlalêr hlobet hmun a hung inder a; thing chu a hung ra a, theichang kûng le grêphruihai chu a hung inno si a.

JOEL 2:26

Tamtak nei in ta, tlai in tih, maktaka ngaituo hlaktu cheu Lalpa in Pathien hming chu inpâk in ta, ka mihai chu muolpho hrim hrim naw ni hai.

AMOS 9:13

Lalpa chun, “Ngai ta u, nihai chu a hung tlung a ni tah, chuong nihaia chun hnuoi inlettu chun bu âttu chu hnawt phâk a ta, grêp chîltu chun chi thetu chu la hnawt phâk a ta; tlâng insâng chun uoin thlum infartir a ta, tlâng po po chu intui an tih.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

THILTHAWHAI 14:17

Nisienlakhawm, ama inhriettirna um lovin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

DÂN PAHNINA 11:15

In ranhai ta dingin in rama hlohna khawm inumtir bawk ka ta, nangni khawma fâng in ta, tlai in tih.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

1 PETER 1:5

Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.