LEVI DÂN 26:45 - Pathien Lekhabu Inthieng (BSI)

⁴⁵ amiruokchu, an Pathien ka ni theina dinga, hnam tinhai mithmua Aigupta rama inthawka ka ṭhuoi suok, an thlatuhai le thuthlung chu, anni lei hin hre zing lem ka tih: Kei hi Lalpa chu ka nih,’ ti rawh,” tiin.

LEVI DÂN 26:45 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 15:18

Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 28:15

Ngai ta, i kuomah ka um a, i fena taphawtah vêng pei ka ti che a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a ti a.

INṬANNA 9:15

kei le nangni le tisa po po laia thilsiem hringna nei tinrêng inkâra ka thuthlung hi hre zing ka tih. Chuongchun, tui chu tisa po po sukbohmang dingin hung lêt nâwk ta naw nih.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

FESUOKNA 2:24

Pathienin an inrûm chu a hriet a, Abraham, Isak le Jakob kuoma a thuthlung chu Pathienin a hriet zing a.

FESUOKNA 20:2

“Lalpa in Pathien, Aigupta ram, suok in nina ina inthawka ṭhuoi suoktu cheu ka nih.

FESUOKNA 6:6

Chuleiin, Israel mihai kuomah hril la, ‘Lalpa ka ni a, Aigupta mihai rikphurhai hnuoia inthawkin la suok ka ti cheu a, an suok in nina chu sukbopêk ka ti cheu a, bân pharin rorêlna nasatak leh intlan suok ka ti cheu.

FESUOKNA 6:8

Abraham, Isak le Jakob kuoma pe dinga ka bân ka pharna hlak rama chun ṭhuoi lût ka ti cheu a; chu ram chu ro dingin pêng ka ti cheu: Lalpa ka ni hi,’ ” tiin.

EZEKIEL 20:14

Chun, ka hming leiin, hnamhai anni mithmua anni ka hung ṭhuoisuoknahai, chuonghai mithmua chun hrilsiet a ni ding a ni nawh tiin ka thaw a.

EZEKIEL 20:22

Nisienlakhawm, an mithmua anni ka hung ṭhuoi suokna hnamhai mithmua chun sukhmingsiet a ni nawna dingin, ka hming leiin ka thaw a, ka kut chu ka keitîm ta a.

EZEKIEL 20:9

nisienlakhawm, ka hming leiin, Aigupta rama inthawk anni hung ṭhuoi suoka an kuoma ka lo intârlang tâkna hmutu, an laia an umna hnamhai mithmua, hrilsiet ka ni nawna dingin, ka thaw a.

LEVI DÂN 11:45

In Pathien ni dinga Aigupta rama inthawka ṭhuoitu cheu Lalpa chu ka ni si a; kei kân thieng si a, chuleiin, nangni khawm in inthieng ding a nih.

LEVI DÂN 22:33

Kei hi nangni sukthiengtu in Pathien ni dinga Aigupta rama inthawka ṭhuoi suoktu cheu ka nih: Kei hi Lalpa chu ka nih,” tiin.

LEVI DÂN 25:38

Kei hi Lalpa in Pathien, Kanaan ram pe ding cheu le, in Pathien ni dinga Aigupta rama inthawka ṭhuoi suoktu cheu ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:12

Chuongchun, an tlûkna hman khawvêl sukhausakna a na, an kiemna hman Jentailhai sukhausakna a ni chun, an famkimna chu an hausakna a va ni nasa zuol ding de!

DÂN PAHNINA 4:31

Lalpa in Pathien chu zângai theitak Pathien a ni si a; thlâthlam naw ni cheu a, sukbohmang naw bawk a ti cheu a, in pi le puhai kuoma inkhâma a thutiem chu theinghil naw bawk a tih.

DÂN PAHNINA 9:27

I siehlaw Abraham hai, Isak hai, Jakob hai chu hre zing la, hieng mihai hi an kâwmaw zie dâm, an rîtlozie dâm, an suolziehai dâm ngaimaw naw rawh;