LEVI DÂN 26:39 - Pathien Lekhabu Inthieng (BSI)

³⁹ Chun, nangni laia mi la umsunhai chu in hmêlmahai ramah an rîtlona leiin rêm tiel tiel an ta; an pi le puhai chun an rîtlona an rêm pha angin, anni khawmin rêm pha bawk an tih.

LEVI DÂN 26:39 ပူးပေါင်းရင်းမြစ်များ

2 CHANCHIN SUINA 34:24

Lalpa chun hieng hin a tih, Ngai ta u, hi hmuna le hi hmun hluotuhai chunga chun thil ṭha naw ka hung intlungtir ding a nih; Juda ram lal hmaa an tiem tah lekhabua khâng ṭawngsiehai po po kha,

EZRA 9:7

Kan thlatuhai hun laia inthawk tah vawisûn ni chen hin suol namên lovin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um ta a; vawisûn ni ang chen khawm hin hmêla hamhaina le, suksietnaa le sal intângnaa le kâwlhnâm kuoma pêkin an um hi.

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tia thu i pêk kha lunginsiettakin hre zing rawh.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

FESUOKNA 34:7

sâng tamtak chunga hmangainaa sip, khawhlona le bawsietna le suolna ngaidam hlak, thiemnawa ngaihai ruok chu iengti khawma inthla el ngailo, pahai rîtlona nauhai, nauhai nauhai nâwk le suon thumna le suon lina chen chunga thung hlaktu a nih,” tiin a puong ta a.

ISAI 14:21

A tho a, leihnuoi hi khuoa an suksip nawna dingin, an puhai suolna leiin a nauhai that zai rêl ro,” tiin.

ISAI 24:16

Kâwlkawdawnga hla sakhai kan hriet a, “Mi felhai kuomah ropuina um raw se,” ti hla hi. Nisienlakhawm, kei chun, “Ka chêr deu deu a, ka chêr deu deu a, ka chung a rik ie! vervêktaka thawtuhai chun vervêktakin an thaw a, anih, vervêktaka thawtuhai chun vervêktakin an thaw,” ka ti a.

JEREMIA 29:12

Chun, kei chu mi hung ko in ta, fêng in ta, ka kuoma chun ṭawngṭai in ta, chun, kei khawma lo ngai ka ti cheu.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 31:29

Chuong niahai chun, “Thlatuhai chu grêp thûr an fâk leiin, an thlahai hahai chu a ṭim,” ti ta ngai naw ni hai.

ṬAP HLA 1:3

Sukrinumna le sal nina nasatakah Juda chu salin a fe ta a, Awi naw mihai laia chun a khawsa a, châwl hrim a hmu nawh; Ama sukrimsituhai po po chun hmun inchêptakah an nangchîng a.

ṬAP HLA 4:9

Kawlhnâma thata umhai chu phîngṭâmnaa thata umhai nêkin an hamṭha lem a, Lo thlairahai tlâksamnaa vuoka umin, hieng hai hi an luong hmang si a.

EZEKIEL 18:19

Amiruokchu, nang chun, iengdinga naupa chun pa suolna chu a phur nâwm a na? i ti a ni thei a. Naupa chun dân ang le thil indik chu a thaw pha chun, ka thuruothai chu a pawm bawk a, a thaw bawk chun, hring ngei a tih.

EZEKIEL 20:43

chutaka chun, in lampuihai le in thilthawhai po po, in lo insukpawrchenahai chu hre zing in tih; chun, in suolnahai po po, in lo suksuol tahaia chun in mithmu ngeia chun nangni le nangni intheida tâng in tih.

EZEKIEL 24:23

In lu haia chun in lukâwmhai chu kâwm in ta, in kekawkhai chu in kehai chun bun in ta; ṭap naw ti niu a, sûn bawk naw ti niu; amiruokchu, in suolnaa chun riral lem in ta, insûntuo lem in tih.

EZEKIEL 33:10

“Chun, nang mihriem naupa, Israel sûngkuo kuoma chun hieng hin hril rawh, ‘Hieng ang hin in ti a; Ei bâwsietnahai le ei suolnahai chu ei chungah a um a, annia chun ei riral hmang a ni hi, iengtin am hring ei ta?’ tiin.

EZEKIEL 36:31

Chun, in lampui rilohai le, in thilthaw ṭha nawhai chu hre zing in ta; chuongchun, in tirdakumnahai le in suolnahai leiin in mithmu ngeia chun nangni le nangni chu inten in tih.

EZEKIEL 4:17

bei le tui chu an tlâksama, anni le anni chu mak an inti senga, an suolnaa chu lâk hmang an ni theina dingin.

EZEKIEL 6:9

Chun, nangni laia chuonga suokhai chun, hnamhai sala ṭhuoia an umnahaiah chun mi hre zing an ta, an lungril uire châkna keimaa inthawka ṭhea um ta le, an mithai an milimhai châktaka an enna chun an mi suknatzie hai chu; Chuongchun, an tirdakumna po poa an lo thaw tah, thil ṭhanaw hai lei chun an mithmu ngeia chun intirdak an tih.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

ZEKARIA 10:9

Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.

NAMBAR 14:18

‘Lalpa chu lung inuoitak, zainêmna hau, rîtlonahai le bawsietnahai ngaidam hlak, thiemlo changhai insuoktir el ngailo, pahai rîtlona leia nauhai, nauhai nau nâwk chen, suon thumna le suon lina chen khawma hrem hlak a nih,’ ti kha.

DÂN PAHNINA 28:65

Chuong hnamhaia inthawk chun sâwldamna hrim hrim hmu naw ti niu a, in ke ta dingin châwlna hrim hrim um naw bawk a tih; chutaka chun Lalpain inthinna lungril dâm, mit châuna dâm, ngûina lungril dâm pe lem a ti cheu a,

DÂN PAHNINA 30:1

“Chun, hieng thil po po in hmaa kân umtir, malsâwmna le ṭawngsie hi in chungah a hung tlung a, Lalpain a hnawtdarna cheu hnam po pohai laia in hriet suok nâwk a,

DÂN PAHNINA 5:9

Chuong chu chibai i bûk ding a ni naw a, an rawng i bâwl ding a ni bawk nawh. Kei Lalpa i Pathien hi Pathien thîkthusie, pahai khawhlona leia nauhai hrem hlak, a mi theidatuhai chu suon thumna le suon lina chena hrem hlak,

DÂN PAHNINA 8:20

In hmaa hnam danghai a sukbohmang angin nangni khawm bohmang in tih, Lalpa in Pathien râwl chu ngai nuom lo in ni ding a ni leiin.