LEVI DÂN 26:38 - Pathien Lekhabu Inthieng (BSI)

³⁸ Hnam danghai lai chun bohmang in ta, in hmêlmahai ram chun fa zo a ti cheu.

LEVI DÂN 26:38 ပူးပေါင်းရင်းမြစ်များ

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

JEREMIA 22:12

“Hitaka hin ama chu hung kîr nâwk ta naw ni; amiruokchu, ama chu sala an ṭhuoina hmuna chun, chutaka chun thîng a ta, hi ram hi hmu nâwk ta naw ni,” tiin.

JEREMIA 42:22

Chuleiin, tuhin, chutaka va mikhuol in nuomna hmuna chun, kâwlhnâm le, ṭâm le hripuiin thîng in tih ti hi hre ngei ngei ro,” tiin.

LEVI DÂN 26:39

Chun, nangni laia mi la umsunhai chu in hmêlmahai ramah an rîtlona leiin rêm tiel tiel an ta; an pi le puhai chun an rîtlona an rêm pha angin, anni khawmin rêm pha bawk an tih.

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

DÂN PAHNINA 28:68

‘Hmu nâwk ta naw ti niu,’ in kuoma ka ti lampuia chun lawngin Aigupta ramah Lalpain ṭhuoi nâwk a ti cheu; chun, chutaka chun in hmêlmahai suokpa ni ding dâmin, suoknu ni ding dâmin inzawr in ta, tukhawmin an dit naw ding cheu a nih,” tiin.