LEVI DÂN 26:26 - Pathien Lekhabu Inthieng (BSI)

²⁶ In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

LEVI DÂN 26:26 ပူးပေါင်းရင်းမြစ်များ

2 LALHAI 6:25

Chun, Samari khuoa chun ṭâm a nasa êm el a; ngai ta, an inhuol tlat a, sabengtung lu hi tangka sâwmrietin an zawr a; chun, vaṭhu êk hi kab hmun lia ṭhea hmun khat tangka pangaah an zawr hiel bawk a.

INPÂKNA HLABU 105:16

Chu rama tla dingin ṭâm a ko a, Fâk ding hrim hrim ân um nawtir ta a.

ISAI 3:1

Ngai ta u, Lalpa, Sipaihai Lalpa chun, Jerusalem kuoma inthawk le, Judahai kuoma inthawk chun an ringpui le an ring tak, an ringpui bu po po le an ring tak tui po po chu, a lâkpêk mêk a ni hi;

ISAI 5:10

Grêp huon ṭin sâwm hmunah bath khat chau la pieng a ta, bu chi homer khat tuin epha khat chau a la pieng ding a ni si a,” tiin.

ISAI 9:19

Sipaihai Lalpa lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

ISAI 9:20

Chuongchun, miin an changtienga mi inchûng an ta, nisienlakhawm, an phîng la ṭâm ta rawp a ta, an vawitienga mi fâng an ta, nisienlakhawm, tlai chuong naw ni hai, mi tinin mâni bân taksa fa seng an tih.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

EZEKIEL 14:13

“Mihriem naupa, bawsietna thil chu thawin ram chu ka chungah lo suol ta sienla, chun, keiin a chungah ka kut inletin, bei a ringsan chu suksein, a chunga chun ṭâmna tirin, amaa inthawk chun ramsa le mihriemhai khawm lo sât thla ta lang;

EZEKIEL 4:10

Chun, i bu i fâk ding chu a bûka bûk nîng a ta, ni tina shekel sâwmhni; hunbi nei takin i fâk chau ding a nih.

EZEKIEL 4:16

Chu nawa chun, ka kuoma chun, “Mihriem naupa, ngai ta, beia Jerusalem châwmna chu suktâwp ka ta, bei chu inkhia inkhiin fâng an ta, fîmkhurtak elin; chun, tui khawm maktitakin, inkhia inkhiin dâwn bawk an tih;

EZEKIEL 4:17

bei le tui chu an tlâksama, anni le anni chu mak an inti senga, an suolnaa chu lâk hmang an ni theina dingin.

EZEKIEL 5:16

chu pha chun, an chunga chun ṭâmna thal ṭha nawhai chu sukbohmangna dingin, anni sukbohmangna dinga ka hung tir ding chu, hung tir ka ta, beia in ringsan khawm chu suktliek ka ta;

HOSEA 4:10

Fa chu fa dêng an ta, tlai si naw ni hai; Nawchizawr chîng an ta chu, pung chuong naw ni hai, Lalpa pawisakna an nei naw leiin.

LEVI DÂN 26:27

“Chuong sa khawma ka thu in pawm naw a, a mi kalzâwnga in la um ta rawp chun,

MIKA 6:14

Fâk chu fâng i ta, nisienlakhawm, khawp naw ti ni; i kuoma chun i tlâwmna chu um a ta, sawn i ta, nisienlakhawm, himin thak hmang naw ti ni; i fe hmangpuihai khawm chu kâwlhnâmah pe suok tho ka tih.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei naw a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlawtu khawm chu ip mawng inâwnga thlâk el dingin a hlaw a nih,” tiin.