LEVI DÂN 26:25 - Pathien Lekhabu Inthieng (BSI)

²⁵ In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

LEVI DÂN 26:25 ပူးပေါင်းရင်းမြစ်များ

2 SAMUEL 24:15

Chuongchun, Lalpa chun Israel mihai lai chun zîngkâra inthawkin hun ruot ang chen chu hri ân lêngtir a, chuongchun, mipuihai laia mi chu Dana inthawka Beer-Seba chenah mi sîng sari an thi a.

1 LALHAI 8:33

“I mi Israelhai hin i chunga thil an suksuol leia hmêlmahai hmaa an lo tlâwm a, nanga tieng an hung ngha nâwk a, i hming an inpâk a, hi ina ṭawngṭaia thil an hung hni chun,

1 LALHAI 8:37

Kan rama hin ṭâm a hung tla a, hri dâm a hung inlêng a, ṭâwlna amanih, hmawnna amanih, khâuṭhikṭhi amanih, tuktulung amanih a hung um a, an hmêlmahaiin an kawtkhâr bulhaia an hung inhuol a, hri iengkhawm, natna iengkhawm a hung tlung chun;

2 LALHAI 17:3

Assuria lal Salmaneserin a hang rûn a; chuongchun, Hosea chu a siehlawah a um ta a, sie dâm a pêk hlak a.

2 CHANCHIN SUINA 24:24

Suria sipai pâwlhai chu mi tlâwmte chau hi an hung a, amiruokchu, Lalpa chun sipai pâwl lientak chu an kutah a pêk si a; an thlatuhai Pathien Lalpa chu an nghatsan leiin. Chuongchun, Joas chunga chun hremna chu an intlungtir ta a.

INPÂKNA HLABU 94:1

Aw Lalpa, nang phubalâkna thu neitu Pathien, Nang phubalâkna thuneitu Pathien, hung var suok rawh.

FESUOKNA 5:3

Anni chun, “Hebraihai Pathien chun a mîn tuokpui ta a, kan ngên che, Lalpa kan Pathien kuoma inthâwi dingin thlalêra ni thum lam chenah mîn fetir rawh; chuong naw chun kan chungah kâwlhnâmin amanih, hriin amanih tla rawi a tih,” an ti a.

ISAI 1:20

nisienlakhawm, in nuom naw a, in hel chun kâwlhnâmin fa zo a ti cheu; Lalpa bau chun chu chu a hril tah a nih,” a ta.

ISAI 65:12

ka ko lai cheu khan in mi dawn nuom naw a, thu ka hril lai khan nain in hriet nuom naw a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

JEREMIA 19:7

Chun, hi hmuna hin Juda ram le Jerusalem thurawt chu inthlâwntir ka ta; an hringna zawngtuhai le, an hmêlmahai hmaa chun kâwlhnâmah intlûktir ka tih; chun, an ruonghai chu chunglêng vatehai le, hnuoia ramsahai ta dingin bu dingin pêng ka tih.

JEREMIA 24:10

Chun, anni le an thlatuhai kuoma ram ka pêka inthawka an rênga an bohmang vawng hmakhat chun an hnunga chun kâwlhnâm dâm, hripui dâm, ṭâm dâm tir bawk ka tih,” tiin.

JEREMIA 50:28

“Lalpa ei Pathien phubalâkna a biekin phubalâkna ngei chu Ziona hril ding a nih.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbohmang vawng hmakhat chun an hnungah kâwlhnâm tir ka tih.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tlu a; I lunginsenna nia chun anni chu i sukhlum a, Anni chu i that a, i lunginsiet naw a,

EZEKIEL 14:17

Annawleh, chu ram chunga chun kâwlhnâm ka hung intlungtir a, ‘Kâwlhnâm, ram chu fe thleng rawh’, tia, amaa inthawka ramsa le mihriemhai ka sât thlâk chun,

EZEKIEL 20:37

Chun, vuokfung hnuoiah infetir ka ti cheu a, thuthlung khuokhirna hnuoiah lalût ka ti cheu;

EZEKIEL 29:8

Chuleiin, Lalpa Pathien chun hieng hin a tih: Ngai ta, i chungah kâwlhnâm hung inlet ka ta, nangmaa inthawkin sahai le mihriemhai chu sât thlâng ka tih.

EZEKIEL 33:2

“Mihriem naupa, i chipui thlahai kuoma chun thu hril la, an kuomah hieng hin ti rawh: ‘Ram chunga chun kâwlhnâm ka hung intlungtir pha, rama mihai chun anni laia mi an lâk a, an ta dinga vêngtu anga an sie chun;

EZEKIEL 5:17

in chunga chun ramsa ṭha nawhai le ṭâmhai hung tir ka ta; nau insûntir an ti cheu; chun, hripuihai le thisen chu nangmaa chun fe thleng a ta; i chunga chun kâwlhnâm ka hung lâk suok ding a nih; kei, Lalpain ka hril ta a ni hi,” tiin.

EZEKIEL 6:3

‘Nangni Israel tlânghai, Lalpa Pathien thu chu lo ngai ta u, Lalpa Pathien chun tlânghai le muolhai le, tui luongnahai le, phairuomhai kuoma chun hieng ang hin a tih; Ngai ta u, keiin, keima ngeiin, in chungah kâwlhnâm intlungtir ka ta, in bâwlhmunhai sukse vawng ka tih.

HOSEA 11:6

A khawpuihaia chun kâwlhnâm inletin um a ta, A kulhai chu sukbohmang a tih, Anni thu lo râwn ang ngeiin sukbohmang a tih.

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.

HABAKKUK 3:5

A hmaa chun hri chu a fe a; A kehaia inthawk chun meiling inling a fe suok a.

NAMBAR 14:12

nangmaa hin an nêka ropui le thilthawthei lem hnam inngir ka tih,” a ta.

NAMBAR 16:49

Chuongchun, Kora chungchâng thua thihai tiem lovin hria thi po po chu sîng khat sâng li le za sari an nih.

NAMBAR 31:3

Chuongchun, Mosie chun mipuihai chu a biek a, “Midian mihai chunga Lalpa phubalâkna thaw dinga Midian mihai chu thawa indo dingin nangni laia mi inrâlthuom rawhai se.

LUKA 21:11

simkhawleihnuoi nasatakin inhnîng a ta, hmun tum tumah ṭâmhai tlâng a ta, hrihai inlêng bawk a ta; vâna inthawkin thil ṭium le inchikna nasatakhai um a tih.

DÂN PAHNINA 28:21

“Hluo dinga in lûtna rama inthawka a sukbohmang vawng hmakhat cheu chun Lalpain hri inkawltir tlat a ti cheu.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

DÂN PAHNINA 32:41

Ka kâwlhnâm tle ka tâtngei a, Ka kutin rorêlna ka kawl chun, Ka hmêlmahai chungah phuba lâng ka ta; A mi theidatuhai chu thung ka tih.

RORELTUHAI 15:11

Chun, Juda rama mi, mi sâng thum Etam lungpui kawi kâra chun an zu fe a, Samson kuoma chun, “Philistin mihai hi kan chunga rorêltuhai an nih ti i hriet naw am a nih? Iengtiziea kan chunga hieng thil hung thaw el am i ni a?” an ti a. Ama chun an kuomah, “Ka chunga an thaw ang bawkin an chungah ka thaw ve a ni kha,” a ti a.