LEVI DÂN 26:22 - Pathien Lekhabu Inthieng (BSI)

²² Nangni lai ramsahai inhungtir ka ta, chuonghai chun in nauhai lâkpêk an ti cheu a, sukkiem tiel tiel an ti cheu a, in lampuihai chu ṭhing ṭhuop a tih.

LEVI DÂN 26:22 ပူးပေါင်းရင်းမြစ်များ

2 LALHAI 17:25

Chuongchun, chutaka an hang um hlim chun Lalpa an ṭi naw a; chuongchun, Lalpain anni lai chun sakeibakneihai a tir a, mi ṭhenkhathai an se a.

2 LALHAI 2:24

Chun, a hnungtieng a hei en chun anni chu a hmu ta a, chuongchun, Lalpa hmingin anni chu ṭawngsie ân phur ta a. Chun, ramhnuoia inthawk chun savawmpui pahni an hung suok a, anni laia naupang sâwmli le pahni chu an hung sê ta a.

2 CHANCHIN SUINA 15:5

Chuong lai hunahai chun mi hung lût ta ding le a suok ta ding khawm chun muongna hrim hrim a um naw a, ram po pohai hluotuhai chunga chun lunginzîngna nasatak a um lem a.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiemnaw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 33:8

Lamlienhai chu a ṭhing ṭhiep ṭhuop a, mi inzin inlawn chu an um ta naw a, ama chun thuthlunghai chu a bawsiet a, khuohai chu a hmusit a, mihriem a ngaisak ta nawh.

JEREMIA 15:3

Chun, an chunga tlung dingin thil chi li ruot ka ta; Lalpa chun a tih: kâwlhnâm chu sukhlum dingin, uihai chu keinawitu dingin, chun, chunglêng vatehai le hnuoia ramsahai chu fa zotu ding le suksetu dingin.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, Lalpa i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

ṬAP HLA 1:4

Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

EZEKIEL 14:15

Chun, chu ram chu ramsa tuorhlaumhai chun fe thlengin, sukse hai sien, râusana umin, ramsahai lei chun mi fe paw ngam lovin umhai sien;

EZEKIEL 14:21

Lalpa Pathien chun hieng hin a ti si a; ‘Ka rorêlna natak palihai kâwlhnâm, ṭâmna, ramsa tuorhlaumhai le hripuihai hi Jerusalem chunga, amaa inthawka ramsa mihriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 33:28

Ram chu râusanah siem ka ta, maktia um ding leh; a thilthawtheina chapona chu re tâng a ta, Israel tlânghai chu râusan ni tâng a ta, tukhawm fethleng ta naw ni hai.

EZEKIEL 5:17

in chunga chun ramsa ṭha nawhai le ṭâmhai hung tir ka ta; nau insûntir an ti cheu; chun, hripuihai le thisen chu nangmaa chun fe thleng a ta; i chunga chun kâwlhnâm ka hung lâk suok ding a nih; kei, Lalpain ka hril ta a ni hi,” tiin.

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEKARIA 7:14

amiruokchu, an la hriet ngailo hnam po po laia chun thlivirin anni ka sukdar ta a. Chuongchun, ram chu râusanin a um ta a, tukhawm an fe thlengin an kîr nâwk ngai ta naw a: ram duthusâm tak chu râusanah an siem ta leiin.

DÂN PAHNINA 32:24

Phîngṭamin inrâwp an ta, meipui le sietna namên lovin kâng hmang an tih; An chungah ramsa hahai tir ka ta. Pilvuta invâk mihai tûr leh.

RORELTUHAI 5:6

Anath naupa Samgar nihaia le, Jael nihaia chun, tlâng lamhai chu a ṭhing ṭhup a; Inzin invâkhai chu lam inthlep kuolhaiah an fe hlak a.