LEVI DÂN 26:21 - Pathien Lekhabu Inthieng (BSI)

²¹ “Kei a mi kal zâwnga in um a, ka thu in pawm naw chun, in suolhai zirin a let sariin in chungah hremna intlungtir ka tih.

LEVI DÂN 26:21 ပူးပေါင်းရင်းမြစ်များ

INPÂKNA HLABU 79:12

Aw Lalpa, nangma an hrilsietna che kha, Kan vêla mihai kuomah an ângsûngah a lêt sariin thung nâwk rawh;

FESUOKNA 9:14

Hnuoi chung po poah keima ang tukhawm an um nawh ti i hriet theina dingin, tuta ṭum hin chu, i mihai le i siehlawhai le nangma chunga ngei ka hri po po ka hung tir ding a ni si a.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

EZEKIEL 21:14

“Chuleiin, nang mihriem naupa, thu hril la, i kuthai chu ben la, a ṭum thumnaa chun kawlhnâm chu nawn ni sienla, thina khawp hliemna kâwlhnâm chu; thi khawp raua hliem mi pakhat ropuitak kâwlhnâm a nih; an pindanhaia lût chu.

LEVI DÂN 26:18

Chuong sa khawma ka thu in la pawm naw rawp chun, in suolhai leiin a let sariin la hrem ka ti cheu a;

LEVI DÂN 26:23

“Chuong sa khawma ka thununna chu in pawm naw a, a mi kal zâwnga in la um ta rawp chun,

LEVI DÂN 26:24

kei khawm nangni kal zâwngin um ka ta, keima ngeiin in suolhai leiin a let sariin hrem ka ti cheu.

LEVI DÂN 26:27

“Chuong sa khawma ka thu in pawm naw a, a mi kalzâwnga in la um ta rawp chun,

THUPUONGSUO 15:1

Chun, vânah inchikna dang ropuitak le maktak ka hmu a, vântirko pasari hremna pasari chawihai chu; chuong chu hremna nuhnung takhai an nih; chuonga chun Pathien lunginsenna chu a kim ta si a.