LEVI DÂN 26:17 - Pathien Lekhabu Inthieng (BSI)

¹⁷ In chunga chun ka hmai sukthim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu hnawt lovin tlân in tih.

LEVI DÂN 26:17 ပူးပေါင်းရင်းမြစ်များ

INṬANNA 4:12

hnuoi în let pha khawm a ṭhatna chu pe phal ta naw ni che; hnuoia hin tlânhmang le invai hung ni tâng i tih,” a ta.

1 LALHAI 8:33

“I mi Israelhai hin i chunga thil an suksuol leia hmêlmahai hmaa an lo tlâwm a, nanga tieng an hung ngha nâwk a, i hming an inpâk a, hi ina ṭawngṭaia thil an hung hni chun,

2 LALHAI 13:3

Chun, Lalpa lung chu Israelhai chunga chun a chawk a, chuongchun, Suria lal Hazael kuta le, Hazael naupa Benhadad kuta chun a pêk ta pei a.

2 LALHAI 13:7

Jehoahaz chu a mihai laia sakawr chung chuong mi sâwmnga le tawlailîr sâwm le, sipai sîng khat ti naw chu nei a phalpêk si naw a, Suria lal chun a sukbohmang vawng a, pilvut childip ang elin a siem a nih.

INPÂKNA HLABU 44:10

A mi dotuhaia inthawk chun i mîn tlânsiettir hlak a, A mi theidatuhai chun sum chu an nuom nuomin an lâk hlak.

INPÂKNA HLABU 53:5

Ṭitna hrim hrim um nawnaa chun ṭi êm êmin an um a. Pathienin thaw tuma eptu che ruhai chu a sukdar ta si a; Pathienin anni chu a pei thlâk leiin i sukmuolpho ta a.

INPÂKNA HLABU 53:6

Israelhai sandamna chu Ziona inthawkin suok sienla chu aw! Pathien chun a mihai sala an um chu a ṭhuoi kîr nâwk pha chun, Chu pha chun Jakob hlim tâng a ta, Israel lâwm tâng an tih.

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

ISAI 30:17

Mi pakhat ihrâwkin tlân dur dur in tih; a tâwpa chun tlâng sîpa pholêng târ ang le, muol chunga inchikna mâksana um angin la um el in tih.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw ta a.

JEREMIA 19:7

Chun, hi hmuna hin Juda ram le Jerusalem thurawt chu inthlâwntir ka ta; an hringna zawngtuhai le, an hmêlmahai hmaa chun kâwlhnâmah intlûktir ka tih; chun, an ruonghai chu chunglêng vatehai le, hnuoia ramsahai ta dingin bu dingin pêng ka tih.

JEREMIA 44:11

Chuleiin, sipaihai Lalpa, Israel Pathien chun hieng hin a tih: Ngai ta u, Juda po po sât thla ding cheuin, a se tiengah in kuom tieng ka hmai kân nghat cheu a nih.

ṬAP HLA 1:5

A khingtuhai chu lu an hung na, a hmêlmahai chu an hung hlawtling a; A bawsietna tamtak el lei chun Lalpain ama chu a sukrimsi si a, A nau le têhai chu a hmêlmahai hmaa chun salah an fe a.

ṬAP HLA 2:4

Hmêlma angin a thalngul chu a kuoi a, hmêlma angin a kut changtiengin a ngîr a, Zion naunu puon ina mita hmu inhâwkumhai po po chu a that vawng a; A lunginsenna chu mei angin a bunthlâk a,

EZEKIEL 15:7

An chunga chun ka hmai innghat ka ta; meia inthawk chun fe suok sienkhawm mei bawkin anni chu kânghmang a tih; chun, chuonga anni chu ka hmai kân nghat pha chun Lalpa chu ka nih ti mi hre tâng an tih.

LEVI DÂN 17:10

“Chun, tukhawm Israel sûngkuo laia mi amanih, ram dang mi anni laia khawsa amanih, ieng thisen khawm fa taphawt chu, chu thisen fatu chunga chun ka hmai sukthim ka ta, a chipuihai laia inthawka tuithlârin inumtir ka tih.

DÂN PAHNINA 28:25

Lalpain in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

JOSUA 7:4

Chuongchun, mipui laia mi chu mi sâng thum vêl chutaka chun an hang fe a; chun, Ai mihai hmaa chun an hung tlânse ta a.

RORELTUHAI 2:14

Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 3:14

Chuongchun, Israel thlahai chu Moab lal Eglon hnuoia chun kum sâwmpariet an um a.

RORELTUHAI 3:8

Chuongchun, Lalpa chu Israelhai chunga chun a lunginsen ta a, Mesopotamia ram lal Kushan-risathaim thu hnuoia chun kum riet an um a.

RORELTUHAI 6:2

Midianhai chun Israelhai chu an inhmin dêr ta a; chuongchun, Midianhai lei chun Israel thlahai chun tlângah bûkhai, pûkhai, le kulhai an siem a.

1 SAMUEL 12:15

amiruokchu, Lalpa râwl chu ngai lova Lalpa thupêk in helsan chun in puhaiin Lalpa kut an tuor ang bawkin nangni khawma tuor in tih.

1 SAMUEL 31:1

Chuongchun, Philistin mihai chun Israel mihai chu an do a, chun, Israel mihai chu Philistin mihai hmaa chun an tlânse a: Gilboa tlânga chun thatin an um ta zul el a.

1 SAMUEL 4:10

Chuongchun, Philistin mihai chun an hang thaw a, Israel mihai chu an tlâwm a, an puonin tieng seng an tlân ta vawng a; an that nasa êm êm el a, Israelhai laia sipai sîng thum an thi a nih.