LEVI DÂN 26:16 - Pathien Lekhabu Inthieng (BSI)

¹⁶ kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:16 ပူးပေါင်းရင်းမြစ်များ

1 LALHAI 8:37

Kan rama hin ṭâm a hung tla a, hri dâm a hung inlêng a, ṭâwlna amanih, hmawnna amanih, khâuṭhikṭhi amanih, tuktulung amanih a hung um a, an hmêlmahaiin an kawtkhâr bulhaia an hung inhuol a, hri iengkhawm, natna iengkhawm a hung tlung chun;

JOB LEKHABU (THE BOOK OF JOB) 18:11

Kil tina chun ṭitumnahai chun ama sukṭîng a ta. A kekhawnghai sir peiin hnawt a tih.

JOB LEKHABU (THE BOOK OF JOB) 20:25

A hnûk dawk a, a taksaa inthawk chun a hung suok a; Anih, a hmawrzum tlê chu a mîtkhaa inthawkin a hung suok a, Ṭitumhai chu ama chunga chun a um a nih.

JOB LEKHABU (THE BOOK OF JOB) 31:8

Mîn tûtir la, mi dangin fa raw hai se; Anih, ka lo rasuok chu a zunga kar hmangin um raw se.

INPÂKNA HLABU 109:6

Nangin a chungah mi suol sie la, A changtieng chun hêktu ngîr raw se.

INPÂKNA HLABU 73:19

Iengtiziea mitkhapkâr chaua an rêm el am a ni aw! Thil râpthlâktakhaia sukbohmang daiin an um ta a ni hi.

INPÂKNA HLABU 78:33

Chuleiin, an dam sûng nihai chu teplo mei meiin a sukbo pêk a, An dam sûng kumhai chu ṭitnain a sukbo pêk bawk a.

FESUOKNA 15:26

ama chun, “Lalpa in Pathien rawl chu nguntaka in ngai a, a mit hmua thildik chu in thaw a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: Lalpa nangni sukdamtu cheu chu ka ni si a,” a ti a.

THUVARHAI 3:33

Lalpa ṭawngsie chu mi khawhlo inah a um a, Mi fel chêngna ruok chu mal a sâwm hlak.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 62:8

Lalpa chu a changtieng le a bân hrâttak sâlin ṭawng ân khâm ta a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um ta a.

JEREMIA 12:13

Bu an chîng a, hling an sîk a; anni chu an insukna a, nisienlakhawm, iengkhawm a hlawk nawh, Lalpa lunginsenna ṭiumtak lei chun i rahai chu inzapui i tih.

JEREMIA 15:3

Chun, an chunga tlung dingin thil chi li ruot ka ta; Lalpa chun a tih: kâwlhnâm chu sukhlum dingin, uihai chu keinawitu dingin, chun, chunglêng vatehai le hnuoia ramsahai chu fa zotu ding le suksetu dingin.

JEREMIA 15:8

Tuisuorieta phaiphin nêk hmanin an hmeithaihai chu ka sukpung lem a, sûn changlai chun nuhai le tlangvâlhai chunga chun suksetu ka hung intlungtir a, amânu chunga chun ṭitnahai le lunginzîngnahai kân tlâktir thut a.

JEREMIA 20:4

Lalpa chun hieng hin a ti si a: Ngai ta, i ruolhai le nangma ngei ta dingin ṭiumah ka siem ding che a nih; chun, an hmêlmahai kâwlhnâma ngei chun tlûng an ta, chu chu i mit ngeiin hmûng i tih; chun, Juda ram po po chu Babulon lal kutah pêng ka ta, ama chun Babulon tieng salah ṭhuoi a ta, kâwlhnâmin anni chu that a tih.

JEREMIA 5:17

Anni chun i lohma suok le i bu fâng an ta, i naupasalhai le i naunuhmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

EZEKIEL 24:23

In lu haia chun in lukâwmhai chu kâwm in ta, in kekawkhai chu in kehai chun bun in ta; ṭap naw ti niu a, sûn bawk naw ti niu; amiruokchu, in suolnaa chun riral lem in ta, insûntuo lem in tih.

EZEKIEL 33:10

“Chun, nang mihriem naupa, Israel sûngkuo kuoma chun hieng hin hril rawh, ‘Hieng ang hin in ti a; Ei bâwsietnahai le ei suolnahai chu ei chungah a um a, annia chun ei riral hmang a ni hi, iengtin am hring ei ta?’ tiin.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

MIKA 6:15

Chîng chu chîng i ta, sîk naw ti ni, oliv rahai chu sirsâwr i ta, nisienlakhawm, a hriek chu nâl naw ti ni; grêp ra chu sâwr la khawm, a uoin chu dâwn naw ti ni.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei naw a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlawtu khawm chu ip mawng inâwnga thlâk el dingin a hlaw a nih,” tiin.

ZEKARIA 14:12

Chun, hihi Jerusalem dotu hnam po pohai Lalpain a hremna ding hri chu nîng a tih; an kehaia an ngîr zing laiin an taksa chu hung hmawn hmang a ta, an mithai chu an mitkhurhaia chun hung hmawn hmang a ta, an leihai khawm chu an bauah hung hmawn hmang a tih.

MALAKI 2:3

Ngai ta u, nangni leiin chu chi chu kâwk ka ta, in inthâwina êkhai chu in hmaihai chunga chun thêng ka ta, chun, a chu le chun nangni chu lâk hmangin um in tih.

DÂN PAHNINA 28:51

“Chun, in ran ruol punghai, in hnuoi rahai dâm, sukram in ni hmakhat chu fâng an ta, bu dâm, uoin dâm, hriek dâm, in bâwng punghai dâm, in berâm ruol têhai chu hlapêk naw ni hai cheu; in siet letdêr chenin.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.

HEBRAIHAI 10:31

Pathien hring kuta tlûk chu thil râpthlâktak a nih.

RORELTUHAI 6:11

Chun, Lalpa vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

1 SAMUEL 2:33

Chun, i mi, ka maichâma inthawka ka sukbohmang naw ding hai chu i mit sukkhamtu le I lungril suknatu nîng an ta; i ina hung pienghai taphawt chu an vânglai takin thi pei an tih.