LEVI DÂN 26:13 - Pathien Lekhabu Inthieng (BSI)

¹³ Kei hi Lalpa in Pathien, an suokhai in ni nawna dinga Aigupta rama inthawka ṭhuoi suoktu cheu chu ka nih; an rîngkawlhai chu ka suktliek a, ngîrinchangin kân lâwntir ta cheu hi.

LEVI DÂN 26:13 ပူးပေါင်းရင်းမြစ်များ

INPÂKNA HLABU 116:16

Aw Lalpa, i siehlaw ka ni tak zet el, I siehlaw i suoknu naupa chu ka na, Khuopa ka umnahai chu i mi sût ta a.

FESUOKNA 14:8

Chun, Lalpa chun Aigupta lal Pharao lungril chu a sukngar a, Israel mihai chu a hnawt zui ta a; Israel mihai chu muongchara suok an ni si a.

FESUOKNA 20:2

“Lalpa in Pathien, Aigupta ram, suok in nina ina inthawka ṭhuoi suoktu cheu ka nih.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

ISAI 9:3

Hnam chu i suktam ta a, an hlimna khawm i sukpung ta a; bu sîk laia hlim angin i hmaah an hlim ta a, miin râllâk sum an sema an hlim ang elin.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 28:2

“Israel Pathien sipaihai Lalpa chun hienghin a tih: Babulon lal rîngkawl chu ka sukthliek ta a.

JEREMIA 28:4

hi hmuna hin Juda ram lal Jehoiakim naupa Jekonia le Juda sal intânghai po po Babulona fe tahai chu hung ṭhuoi kîr nâwk ka ta; Lalpa chun a tih; Babulon lal rîngkawl chu ka sukthliek ding a ni si a,” tiin.

EZEKIEL 30:18

Tehaphnehesa chun ni chu hung inthim a ta, chu pha chun Aigupta rîngkawlhai chu suktliek ka ta, amaa chun a thilthawtheina chapona chu tâwp tâng a tih; ama chu sûmpuiin hung inkhum a ta, a naunuhmeihai chu salah fêng an tih.

EZEKIEL 34:27

Loa thinghai chun ra hung insuong an ta, leihnuoi khawma a hlâwkna hung insuo bawk a tih; chun, an ram sûnga chun him an ta, an rîngkawl thîrtluonhai ka suktliek a, an rawng an bâwlpêkhai kuta inthawka ka sansuok pha chun Lalpa chu ka nih ti mi hre tâng an tih.

HOSEA 11:4

Mihriem hruihruol, hmangaina hruihai chun anni ka kei a, An ta ding chun an khâka kawl hlîppêktu ang chu ka na, Duottakin an hmaah fâk ding ka pêk a.

LEVI DÂN 25:38

Kei hi Lalpa in Pathien, Kanaan ram pe ding cheu le, in Pathien ni dinga Aigupta rama inthawka ṭhuoi suoktu cheu ka nih.

LEVI DÂN 25:42

Aigupta rama inthawka ka ṭhuoi suok, ka siehlawhai an ni si a, suok zawra zawr ding an ni nawh.

LEVI DÂN 25:55

Israel mipuihai chu keima siehlawhai an ni si a, Aigupta rama inthawka ka ṭhuoi suok, ka siehlawhai an nih: Kei hi Lalpa in Pathien chu ka nih.

NAHUM 1:13

Tuhin chu i kuoma inthawkin a rîngkawl chu suktliek ka ta, nangma khuopna hruihai chu suktan vawng ka tih.