LEVI DÂN 26:12 - Pathien Lekhabu Inthieng (BSI)

¹² Nangni lai chêng ka ta, in Pathien nîng ka ta, nangni khawm ka mihai nîng in tih.

LEVI DÂN 26:12 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INṬANNA 3:8

Chun, Lalpa Pathien chu zântieng nisa deia huona a hung lêng chu an hriet a: chuongchun, Adam le a nuhmei chun huona thing lai chun Lalpa Pathien chu an lo inbîksan ta a.

INṬANNA 5:22

Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

INṬANNA 5:24

Chun, Enok chu Pathien leh an lêng hmunkhat hlak a: chun, a um ta naw a: Pathienin a lâk hmang tah a nih.

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

2 SAMUEL 7:7

Israel mipui lai po poah, ka fena taphawtahai khawm, ka mi Israelhai châwm dinga thu ka ipêk rorêltuhai kuomah, Iengdinga sidar thinga in i mi bâwlpêk naw am a na,’ tiin ka hril hlak am a nih?

INPÂKNA HLABU 50:7

“Aw ka mihai, ngai ta u, thu ka hril ding a nih, Aw Israel, ngai ta, kân hriettir ding che a nih: Kei hi Pathien, i Pathien ngei chu ka ni hi,

FESUOKNA 29:45

Israel mihai lai chun um zing ka ta, an Pathien nîng ka tih.

FESUOKNA 29:46

Chun, anni laia ka um zing theina dinga Aigupta rama inthawka ṭhuoi suoktu Lalpa an Pathien ka nih ti hrieng an tih; Lalpa an Pathien ka ni si a.

FESUOKNA 3:6

Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

JEREMIA 30:22

Chuongchun, ka mihai nîng in ta, kei chu in Pathien nîng ka tih.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:38

anni chu ka mihai nîng an ta, kei khawm an Pathien nîng ka tih;

JEREMIA 7:23

nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.

EZEKIEL 11:20

Ka thuruothaia an fe theina ding le, ka dânhai chu an kawl a, an thaw theina dingin; chun, ka mihai hung nîng an ta, kei khawm an Pathien nîng ka tih.

EZEKIEL 36:38

Inthawina dinga berâm ruol ang, a ruoiṭhena hun bia Jerusalema berâm ruol angin, khawpui se tahnunghai chu mihriema suksip nîng an ta, chun, Lalpa chu ka nih ti mi hre tâng an tih,” tiin.

JOEL 2:27

Chun, Israelhai lai hin ka um ti le, Lalpa in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

NAMBAR 5:3

a nuhmei a pasalin i sie suokin riebûk puoah i sie ding a nih; a lai taka ka umna hlak an riebûk chu an sukpawrche nawna dingin,” tiin

MATTHAI 22:32

‘Kei Abraham Pathien, Isak Pathien, Jakob Pathien ka nih,’ tiin Pathien chu mithi Pathien a ni naw a, mi hring Pathien a ni lem,” a ta.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

DÂN PAHNINA 23:14

Lalpa in Pathien chu in riebûkah nangni sanhim ding le in hmêlmahai pe ding cheuin a hung ṭhang ve pei hlak si a, chuleiin, in riebûk chu ân thieng ding a nih; chuong naw chun nangni lai thiltirdakum hmûng a ta, fesan el rawi a ti cheu.

DÂN PAHNINA 23:15

“Siehlaw, in kuoma an pu hung tlânsuoksan chu in pêk lêt nâwk ding a ni nawh.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

THUPUONGSUO 2:1

“Ephesia kohran tirko kuoma chun hieng hin ziek rawh: “ ‘A kut changtienga arasi pasari chawia, rângkachak khâwnvar siena pasari laia inlawn inlawn khan, hieng thu hi a hril a nih:

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.