LEVI DÂN 25:6 - Pathien Lekhabu Inthieng (BSI)

⁶ Ram châwl kum chun in fâkfâwm ding insuopêk a ti cheu a; i ta ding dâm, i siehlawpa le i siehlawnu ta ding dâm, i inhlawfa ta ding dâm, i kuoma khawsa ram dang mi ta ding dâm,

LEVI DÂN 25:6 ပူးပေါင်းရင်းမြစ်များ

2 LALHAI 19:29

Chun, hi hi i ta dinga inchikna nîng a ta, tu kum hin bu inhli ring in ta, kum nâwk khawm bu inhli bawk; chun, a kum thumnaa chun buhai tu unla, sîk unla, grêp huonhai siem unla, a rahai fa ro.

FESUOKNA 23:11

kum sarinaa ruok chun inchâwltirin inumtir ṭawk ṭawk i tih, i mi pasiehaiin an fâk theina dingin le, an mâksanhai chu ramsahaiin an fâk theina dingin. Chuong ang bawkin, i grêp huonhai le i oliv huonhai chu thâwng i tih.

LEVI DÂN 25:20

‘Iengkhawm kan chîng naw a, thlai ra iengkhawm kan sîk naw bawk ding chun, kum sarina kum chun ieng am fâng kan ta?’ in ti a ni thei a;

LEVI DÂN 25:21

a kum ruk kum chun ka malsâwmna in chungah intlungtir ka ta, kum thum sûnga ding chun ra insuong a tih.

LEVI DÂN 25:5

I lohmaa amaa mâwng chu i sîk ding a ni naw a, i enkawl naw grêp chu i lo ding a ni bawk nawh; ram châwl dêrna kum a ni ding a nih.

LEVI DÂN 25:7

i bâwng ruol ta ding dâm, i rama ranhai ta ding dâm, chutaka a hung ra suok po po chu fâkfâwm ding nîng a tih.

THILTHAWHAI 2:44

Chun, a ring taphawt chun iengkim an inṭâwm a,

THILTHAWHAI 4:32

Chun, a ringtu mipuihai chu lungril hmunkhat le ngaituo hmunkhatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak a.