LEVI DÂN 25:55 - Pathien Lekhabu Inthieng (BSI)

⁵⁵ Israel mipuihai chu keima siehlawhai an ni si a, Aigupta rama inthawka ka ṭhuoi suok, ka siehlawhai an nih: Kei hi Lalpa in Pathien chu ka nih.

LEVI DÂN 25:55 ပူးပေါင်းရင်းမြစ်များ

INPÂKNA HLABU 116:16

Aw Lalpa, i siehlaw ka ni tak zet el, I siehlaw i suoknu naupa chu ka na, Khuopa ka umnahai chu i mi sût ta a.

FESUOKNA 13:3

Mosie chun mipui kuoma chun, “Suoka in umna Aiguptaa inthawk in hung suok ni kha hre zing ro: Lalpain kut thahrâtin chu hmuna inthawk chu a hung ṭhuoi suok cheu a ni kha; chawl ṭhang bei hrim fâk a ni ding a ni nawh.

FESUOKNA 20:2

“Lalpa in Pathien, Aigupta ram, suok in nina ina inthawka ṭhuoi suoktu cheu ka nih.

ISAI 43:3

Kei hi Lalpa in Pathien Israelhai Mi Inthieng, nangni sandamtu ka ni si a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

LEVI DÂN 25:42

Aigupta rama inthawka ka ṭhuoi suok, ka siehlawhai an ni si a, suok zawra zawr ding an ni nawh.

LEVI DÂN 25:54

Chuong ang zâwnga intlan a ni naw khawma, jubili kum chun suok a ta, ama le a nauhai leh.

LEVI DÂN 26:1

“Milim hrim hrim in insiempêk fâwm ding a ni naw a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi Lalpa in Pathien chu ka ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:14

Suolnain in chungah thu a nei ta naw ding a ni si a, Dân rorêla um in ni naw a, lunginsietna rorêla um in ni lem si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

1 KORINTH 9:19

Tû suok khawm ni naw lang khawm mi tam lem ka lâk lût theina dingin, mi po po suokah kân siem tah.

1 KORINTH 9:21

Dân neinawhai ka lâk lût theina dingin dân neinawhai kuomah dân neinaw angin ka um hlak, Pathien dân awilo si lovin, Krista dân zâwm siin.

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,