LEVI DÂN 25:43 - Pathien Lekhabu Inthieng (BSI)

⁴³ Rilotakin a chungah i um ding a ni naw a, i Pathien chu i ṭi ding a ni lem.

LEVI DÂN 25:43 ပူးပေါင်းရင်းမြစ်များ

INṬANNA 42:18

A ni thum ni chun Josef chun an kuomah, “Hieng ang hin thaw unla hring in tih, Pathien ka ṭi si a:

2 CHANCHIN SUINA 28:10

Tuhin Juda mipuihai le Jerusalema mihai chu suoknuhai, suokpahaia siem in lungril a na; amiruokchu, in Pathien Lalpa chunga nangni ngei bawsietna chu nangnia ngei khawm hin a um ve a ni naw am a nih?

JOB LEKHABU (THE BOOK OF JOB) 31:13

Ka siehlawpa amanih, ka siehlawnu amani chungthu ka ngaitha chun, Kei le kan insukbuoi laiin,

JOB LEKHABU (THE BOOK OF JOB) 31:14

Pathien chu hung tho ta sienla ieng am lâwng ka ta? A hung indawn fel pha chun iengin am ama dawn ka ta?

FESUOKNA 1:17

Nisienlakhawm, naudawmtuhai chun Pathien an ṭi a, Aigupta lalin anni thu a pêk angin an thaw naw a, nautê pasalhai chu an sanhim lem ta a.

FESUOKNA 1:21

Naudawmtuhai chun Pathien an ṭi leiin Pathienin sûngkuoahai a siem ta a.

FESUOKNA 2:23

Chuong ni tamtak sûng chun Aigupta lal chu a thi ta a. Israel mihai chu an intângna lei chun an thuok a dawng hle a, Pathien an ko a, an intângna leia ama an kona chun Pathien kuom a tlung ta a.

FESUOKNA 3:7

Chun Lalpa chun, “Aiguptaa ka mihai rimsikzie chu feltakin ka hmu a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

FESUOKNA 3:9

Chuongchun, tuhin, ngai ta, Israel mihai khêkri chu ka kuom a hung tlung a, chu nâksapah nêksâwr an nina, Aigupta mihaiin an nêksawrna chu ka hmu zing bawk a.

FESUOKNA 5:14

Pharao sinthaw hotuhaiin mipui chunga Israel mi, sinthaw hotua an ruothai chu, “Vawisûn le zâni khawm, kha hma anga ṭêklei siema in sinthawhai chu iengdinga in tlingtla naw am a na?” tia suosal le vuokin an um ta a.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsi a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

EZEKIEL 34:4

A hrât naw chu in sukhrât naw a, a na khawm chu in sukdam bawk naw a; a tliek khawm chu in tuom naw a, khal hmanga um ta khawm chu in hung ṭhuoi nâwk bawk nawh, ân hmang khawm chu in zawng bawk nawh; amiruokchu, thawluina le, hrohrângsetakin an chungah ro in rêl a.

LEVI DÂN 25:17

In inhlêm ding a ni naw a, in Pathien chu in ṭi ding a nih: kei hi Lalpa in Pathien chu ka ni si a.

LEVI DÂN 25:42

Aigupta rama inthawka ka ṭhuoi suok, ka siehlawhai an ni si a, suok zawra zawr ding an ni nawh.

LEVI DÂN 25:44

Suoknu le suokpaa i nei ding chu: in vêla hnam laia mi, suoknu le suokpa ding chun în châwk ding a nih.

LEVI DÂN 25:46

Chun, nangni hnunga in nauhai ro hluo sâwng thilah siem in ta; chuonghai chu in kumkhaw suok dingin siem thei in ta; amiruokchu, in unau Israel mihai laia ruok chun rilotakin in um ding a ni nawh.

LEVI DÂN 25:53

Kum khat bi peia ruoi inhlawfa angin a bêl ding a na; i mithmua chun rilotakin a thaw ding a ni nawh.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

EPHESI 6:9

Chun, nangni hotuhai, chuong ang bawkin, anni le nangni hotu chu vânah a um ti le, ama chun mi ditsak bîk a nei nawh ti hrein, vau lovin an chungah thaw ve ro.

DÂN PAHNINA 25:18

Pathien khawm ṭi lovin in châu lai le in ngûi laia lampuia a lo tuok cheu a, nangni laia hnung tienga a hnufuolhai po po a lo thaw dân kha.

KOLOSSA 4:1

Hotuhai, nangni khawm vânah hotu in nei ti hrein, in suokhai chungah a fel le a mâwitâwk chu thaw ro.