LEVI DÂN 25:36 - Pathien Lekhabu Inthieng (BSI)

³⁶ A kuomah tangka amanih, thil amanih, a pung la naw rawh; Pathien ṭi lem rawh; i unau chu i kuoma a khawsak theina dingin.

LEVI DÂN 25:36 ပူးပေါင်းရင်းမြစ်များ

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

NEHEMIA 5:3

Chun, ṭhenkat, “Ei lohai, ei inhai, ei grêp huonhai hrên dingin ei sie si a, ṭâm lei hin bu hi ân chûin inchû el ei tiu,” ti dâm khawm an um bawk a.

INPÂKNA HLABU 15:5

A pung um dinga tangka inpûktir ngailo, A thiem lem thiemnaw inchangtir dinga thamna khawm la ngailo mi chu: Chuong thilthawtu chu iengtik khawm inhnîng naw ni.

FESUOKNA 22:24

ka lunginsenna chu hung lum a ta, kâwlhnâmin that ka ti che a; i nuhmei chu hmeithai nîng a ta; i nauhai chu fahra nîng an tih.

FESUOKNA 22:25

“I kuoma ka mihai pasie tukhawm kuomah tangka în pûktir chun, a chunga chun lei inbattirtu ang i ni ding a ni naw a; ama chunga chun a pung i hnawt kher ding a ni nawh.

THUVARHAI 28:8

Sum duâmna le hlâwkna dinga a thuomhnaw sukpungtu chun, Mi pase chunga lunginsietna neitu ta dingin a khâwlkhâwm a nih.

ISAI 24:2

Chun, vântlâng chunga a um angin, thiempu chunga khawm um a ta, suokpa chunga a um angin a pu chunga khawm um a tih; suoknu chunga a um angin a pi chungah um a ta; inchawtu chunga a um angin a zawrtu chunga khawm um a tih; inpûktirtu chunga a um angin a pûktu chunga khawm um a tih; a pung hnawta inpûktirtu chunga a um angin a kuoma a pung petu chunga khawm um a tih.

JEREMIA 15:10

Nu, ka chung a va rik de! hnuoi chung po poa insêl mi le inkhing mia i mi lo nei hi chu! a pung umin kân pûktir ngai naw a, kei khawm tukhawma a pung umin an mîn pûktir bawk nawh; amiruokchu, an rêng elin ṭawngsie an mi lân phur ta rawp hi.

EZEKIEL 18:13

a pung um dinga lo pe suok ta a, a pung khawm lo la ta hlak chu, ama chu a hring ding am a nih? Ama chu hring naw ni a, hieng tirdakumnahai po po thawtu hi chu thi ngei ngei a ta, a thisen chu ama chunga chun a um ding a nih.

EZEKIEL 18:17

mi rimsihaia inthawka kut lo keitîm ta a, a pung hnawta lo inpûktir lo a, a pung khawm la lo a, ka rorêlnahai lo thaw ta a, ka thuruothai lo zâwm tah; chuong ang mi chu a pa suolna lei chun thi naw ni a, hring ngei ngei a tih.

EZEKIEL 18:8

a pung hnawt dinga pe suok ngai lo a, a pung khawm la ngai lo a, suolnaa inthawka a kut keitîm a, mi le mi inkâra rorêlna indiktak lo hmang hlak a,

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp ta a; kei i mi lo theinghil tah a nih, Lalpa Pathien chun a tih.

LEVI DÂN 25:17

In inhlêm ding a ni naw a, in Pathien chu in ṭi ding a nih: kei hi Lalpa in Pathien chu ka ni si a.

LEVI DÂN 25:37

A pung hnawtin i sum în pûktir ding a ni naw a, a pung hnawtin i fâk ding lai hai khawm inpûktir naw rawh.