LEVI DÂN 25:18 - Pathien Lekhabu Inthieng (BSI)

¹⁸ “Chuleiin, ka thuruothai chu in zâwmin, ka rorêlhai chu in pawmin in ṭi ding a nih; chuongchun, chu rama chun thlamuongtakin in khawsa ding a nih.

LEVI DÂN 25:18 ပူးပေါင်းရင်းမြစ်များ

1 LALHAI 5:5

Chun, Lalpa chun ka pa David kuoma, ‘I naupa i aia i lalṭhungpha kân hluotir ding chun ka hming dingin in chu la bâwl a tih,’ tia a lo hril ta ang khan, Lalpa ka Pathien hming dinga in bâwl ka tum a.

INPÂKNA HLABU 103:18

A thuthlung zâwm taphawt le, A thuhrilhai awi tuma hre zinghai taphawt chunga chun.

INPÂKNA HLABU 4:8

Lungmuongtakin zâl ka ta, in ka tih: Lalpa nang ngei hi i nih, makhât chau khawma himtaka mîn umtir hlaktu chu.

THUVARHAI 1:33

Amiruokchu, tukhawm keia thu ngai chu himtakin chêng a ta, Rîtlona ṭi dêr lovin um ṭawk ṭawk a tih.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 25:5

‘Mi tin el chu tuhin in thilthaw indik nawhaia inthawk le, mâni lampui suola inthawk chun kîr seng unla; nangni le in thlatuhai kuoma inhma le kumkhuoa dinga, Lalpain ram a pêk cheua chun chêng ro;

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

EZEKIEL 33:29

An thil pawrche lo thaw tahai po po leia ram chu râusan le maktia um dinga ka siem pha chun, Lalpa chu ka nih ti mi hre tâng an tih.

LEVI DÂN 19:19

“Ka thupêkhai in pawm ding a nih. I ran chu chi tum tum inthlatir naw rawh; i loah thlaichi chi hni chîng naw la, thil chi hni khâwng pawl puon i sil ding a ni bawk nawh.

LEVI DÂN 19:37

Chun, ka thupêkhai po po le ka rorêlhai po po chu zâwmin in thaw ding a nih: Kei hi Lalpa chu ka nih,’ ti rawh,” tiin.

LEVI DÂN 25:19

Ram chun ra insuong a ta, tlaitakin chên in ta, thlamuongtakin in va khawsa ding a nih.

DÂN PAHNINA 12:10

Jordan vadung in kai a, Lalpa in Pathienin ân hluotir ding cheuah in um a, himtaka in um theina dinga in vêla hmêlmahai po poa inthawka ân châwltir pha cheu ruok chun,

DÂN PAHNINA 33:12

Chun, Benjamin chungthua chun, “Lalpa dittak chu a kuomah himin um a tih; Sûnnithlâkin awp a ta, Paw hlak a tih,” a ta.

DÂN PAHNINA 33:28

Chun, Israel chu râlmuongtakin a um a, Jakob tuisunsuo chu a pumbil a, Bu le uoin rama chun, Anih, a vânhaiin dâidâw an infartir a,