LEVI DÂN 24:7 - Pathien Lekhabu Inthieng (BSI)

⁷ A tlar hnia chun beraw hlîr hlak i sie ve ve ding a nih, chu chu bei le chun hrietzingna, Lalpa kuoma mei hmanga thilinhlân ang a hung ni theina dingin.

LEVI DÂN 24:7 ပူးပေါင်းရင်းမြစ်များ

INṬANNA 9:16

Chun, sumrisâng chu sûmah inzâm hlak a ta; chuongchun, Pathien le hnuoi chunga tisa um po po laia thilsiem hringna nei tinrêng inkârah kumkhaw thuthlung um chu ka hriet zing theina dingin en hlak ka tih,” a ta.

FESUOKNA 12:14

Hi ni hi in ta dingin hrietzingna nîng a ta, Lalpa kuomah ruoiṭhena nei hlak in tih: in thlahai chenin, kumkhuoin dân angin hi ruoiṭhena hi nei zing in tih.

FESUOKNA 13:9

Chun, Lalpa Dân chu i baua a um theina dingin, i mithai kâra hriet zingna ding le, i kuthai chunga nangma ta dinga inchikna dingin nîng a tih; Lalpa chun kut thahrâtin Aiguptaa inthawkin a ṭhuoi suok ta si che a.

FESUOKNA 17:14

Chun, Lalpa chun Mosie kuomah, “Lekhabuah hi hi hriet zingna dingin ziek la, vân hnuoi po poa inthawkin Amalek hriet zingna hi thai hmang dêr ka tih ti Joshua naa chun inhriettir rawh,” a ti a.

FESUOKNA 28:12

Israel naupasalhai ta dinga hrietzingna lunghai dingin, chu lung pahni chu thiempu zakawsîng dâr belhaia chun sieng i ta; chuongchun, Aron chun hrietzingna dingin a liengko pahni chunga chun an hminghai chu Lalpa hmaa chun put zing a tih.

ISAI 43:23

Pumrawhmanga in thilinhlân ran chînhai chu in mi hung pêk ngai naw a, in inthâwina tieng chun in mi chawimawi ngai bawk nawh. Thil inhlânin rawng kân bâwltir ngai naw cheu a, berawin ka suksâwl ngai bawk naw cheu a.

LEVI DÂN 2:1

“Tukhawmin Fâkmi thilinhlân, Lalpa kuomah thilinhlâna ân hlân pha, a thilinhlân chu beiphit indîtak a ni ding a nih; hriek bur a ta, a chungah beraw khawm sie bawk a tih;

LEVI DÂN 2:2

chun, Aron naupasal thiempuhai kuomah fepui a ta; chutaka beiphit indîtak vei khat, hriek le beraw po po le chun la suok a ta; chun, thiempu chun hrietzingna dingin maichâma chun râwng a ta; chu chu Lalpa ta dinga lâwmtlâk riminhnik, mei hmanga thilinhlân a nih.

LEVI DÂN 2:9

Chun, thiempu chun fâkmi thilinhlâna inthawkin hrietzingna chanpuol chu la suok a ta, maichâma chun rawng a tih. Chu chu Lalpa ta dinga riminhniktak, mei hmanga thilinhlân a nih.

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.