LEVI DÂN 24:11 - Pathien Lekhabu Inthieng (BSI)

¹¹ Israel nuhmei naupa chun ṭawngsie inphurin Pathien hming a hrilsiet a; chuongchun, ama chu Mosie kuomah an hung ṭhuoi a. A nu hming chu Selomith a na. Dan chi Dibri naunu a nih.

LEVI DÂN 24:11 ပူးပေါင်းရင်းမြစ်များ

2 SAMUEL 12:14

Amiruokchu, hi i thilthaw hin Pathien hrilsietna remchângtak Lalpa hmêlmahai ta dinga i siem leiin naupang nangmaa inthawka pieng chu thi ngei a tih,” a ta.

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa inthawk chun an ṭhuoi suok a, lungin an dêng a, a thi ta a.

2 LALHAI 18:30

Hezekia chun, Lalpain mi sanhim ngei a ta; chun, hi khawpui hi Assuria lal kuta chun pêk ni naw nih, tiin Lalpa chu inringtir naw raw se cheu.

2 LALHAI 18:35

Ram tin pathienhai po po laia mi chun tuhai am an ram keimaa inthawka sanhim a, Lalpa chun Jerusalem khuo hi keimaa inthawkin a sanhim ding hrim am a nih?’ tiin,” a ti a.

2 LALHAI 18:37

Chuongchun, lal insûng tieng hotu Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu an silfên keithlêrhai inbelin Hezekia kuoma chun an fe a, Rabsake thuhrilhai chu an hril a.

2 LALHAI 19:10

“Hieng ang hin Juda lal Hezekia kuoma chun hril ro, ‘I Pathien i ring chun Jerusalem khuo Assuria lal kuta pêk ni naw nih tiin hlêm naw raw se che.

2 LALHAI 19:22

Tu am i sukhmingsiet a, i hrilsiet? Tu chung âm i râwl i sukpuom a, i mit i meng insâng? Israel Mi Inthieng chunga hin annâwm.

2 LALHAI 19:6

Isai chun an kuomah, “In lalpa kuomah hieng ang hin hril ro,’ Lalpa chun hieng ang hin a tih, i thu hriet, Assuria lal mihaiin an mi hrilsietna kha ṭi naw rawh.

JOB LEKHABU (THE BOOK OF JOB) 1:11

Nisienlakhawm, tuhin i kut phar la, a thil nei po po chu tâwk la, i hmâisanah hrilse ngei ngei a ti che,” a ta.

JOB LEKHABU (THE BOOK OF JOB) 1:22

Hieng thil po poa hin Job chun a suksuol naw a, invêtthlâktakin Pathien chu a mawsiet bawk nawh.

JOB LEKHABU (THE BOOK OF JOB) 1:5

Chun, an ruoiṭhena nihai vêl chu a kim pha chun Job chun ân cha a, anni chu a hlânthieng hlak a; zîngkâr inhmatakin a tho a, an rênga anni nizât hming kimin pumrawhmang thilinhlânhai ân hlân a: Job chun, “Ka naupasalhai hin thil lo suksuolin, an lungrilhaiah Pathien hrilsie hlau rawi an tih,” a ti si a. Chuong ang chun Job chun a thaw rawp hlak a.

JOB LEKHABU (THE BOOK OF JOB) 2:5

Tuhin i kut inlet la, a ru le taksa chu tâwk la, i hmâisanah hrilse ngei ngei a ti che,” a ta.

INPÂKNA HLABU 74:18

Aw Lalpa, hi hi hre zing rawh, dotu chun a hrilsiet che a. Hnam invêttak chun i hming an hrilsiet kha.

INPÂKNA HLABU 74:22

Aw Pathien, tho la, nangma thu chu nangin inhril fâwm la, Mi invêt chun sûnnithlâkin a hrilsietzie che chu hre zing rawh.

FESUOKNA 18:22

Ieng lai khawmin anni chu mipui ro chu inrêltir la, thubuoi lien takhai bak hung intlun an ta, thubuoi chînhai chu annîn lo rêl el an ta; chuongchun, i ta dingin awl lem a ta, i rikphur chu an phurpui ding che annâwm.

FESUOKNA 18:26

Anni chun ieng huna khawm mipui ro chu an rêlpêk a, thubuoi intakhai chu Mosie kuomah an hung intlun a, thubuoi chînhai ruok chu annîn an lo rêl ta a.

FESUOKNA 20:7

Lalpa i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu Lalpa chun suol lovah a ngai naw ding a ni si a.

FESUOKNA 22:28

“Pathien i hrilsiet ding a ni naw a, i mihai rorêltu khawm chu ṭawngsie în phur ding a ni bawk nawh.

FESUOKNA 3:15

Chu naw khawm chu Pathienin Mosie kuomah “Israel mihai kuoma chun, ‘In thlatuhai Pathien, Abraham Pathien, Isak Pathien le Jakob Pathien Jehova chun in kuomah a mi hung tir a nih,’ tîng i tih: hi hi kumkhuoa ka hming a nih, hi hi ṭhang po po mi hriet dân ding chu a nih.

ISAI 8:21

Lunginzîngtak le phîngṭâm pumin ram chu fang an ta, an phîng a ṭâm pha chun an lung chu sen êm êm a ta, an lal le an Pathien chu ṭawngsie inphur bawr bawr an ta, vân tieng dâk rak rak an tih;

LEVI DÂN 24:10

Israel nuhmei naupa, a pa chu Aigupta mi, pakhat chu Israel mipuihai lai a va fe a; chu Israel nuhmei naupa le Israel mi pakhat riebûka chun an insuol a;

MATTHAI 26:65

Chun, Thiempu Laltak chun a silfênhai a keithlêr a, “Pathien a hrilsiet tah; hretu dang iengdingin am ngai tâng ei ta? Ngai ta u, Pathien a hrilsietzie chu tuhin in hriet tah. Iengtin am in ngai a?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:24

An ziek ang ngei khan, Pathien hming chu nangni leiin Jentailhai laiah sukpâwiin a um ta a ni hi.

1 TIMOTHE 1:13

Inhma chun hrilsetu le suknawmnatu le sawisatu ni lang khawm, awi naw puma hre lova thaw ka ni leiin zângaina chu ka hmu a nih;

THUPUONGSUO 16:11

an nahai le an pânnahai leiin vâna Pathien chu an hrilsiet a; an thilthawhai chu an sim chuong nawh.

THUPUONGSUO 16:21

Chun, riel lientak talent tluk raua rik seng, vâna inthawkin mihriemhai chungah a tla a; chun, mihriemhai chun riela hremna lei chun Pathien an hrilsiet ta a; chu hremna chu a nasa bêk bêk si a.