LEVI DÂN 23:32 - Pathien Lekhabu Inthieng (BSI)

³² In ta dinga châwlni ursûntaka inser châwlna nîng a ta, in insukrinum ding a nih; chu thla ni kuo ni zântieng, chu zântienga inthawka zântieng nâwk chenin châwlniah in hmang ding a nih,” tiin.

LEVI DÂN 23:32 ပူးပေါင်းရင်းမြစ်များ

NEHEMIA 13:19

Chun, châwlni dinga Jerusalem kul kawtkhâr ân thim deu hlek phingleh kawtkhârhai chu khâr dingin thu ka pêk a; chun, châwlni a bo hmakhat chun hawng lo dingin thu ka pêk bawk a; châwlnia thil phur hrim hrim an lâklût nawna dingin ka mihai ṭhenkhat chu kawtkhâr kân vêngtir a.

INPÂKNA HLABU 35:13

Kei ruok chu, an damnaw lai chun ka silfên chu saiip a na, Ka hringna hi bu ngheiin ka suk rimsi si a; Lungse taka kûnin ka ṭawngṭai a,

INPÂKNA HLABU 51:17

Pathien dit zâwng inthawina chu thlarau lungriem ithlâk hi a na, Aw Pathien, lungril lungriem ithlâk le insîr ngawi ngawi hi hmusit naw ti nih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

LEVI DÂN 16:29

“Chun, hi hi in kumkhaw dân ding nîng a tih; thla sarina, chu thla ni sâwm ni chun insukrinum in ta, sin hrim hrim in thaw ding a ni nawh, a ram mi khawmin, nangni laia um ram dang mi khawmin.

LEVI DÂN 16:31

In ta dingin châwl ṭawk ṭawkna ni a na, in insukrinum ding a nih; hi hi in kumkhaw dân ding a nih.

LEVI DÂN 23:27

“Thla sarina ni sâwm ni ruok hi chu intlanna ni a na; in ta dingin inkhâwmpui inthieng nîng a ta, insukrinum in ta: Lalpa kuoma mei hmanga thilinhlân in inhlân ding a nih.

LEVI DÂN 23:31

Ieng sin khawm in thaw ding a ni nawh; hi hi in chêngna taphawtah in thlahai chena kumkhaw dân ding a nih.

LEVI DÂN 23:33

Lalpa chun Mosie a biek a,

MATTHAI 5:4

“Thlainvaihai chu an hamṭha; thlamuongin an la um ding a ni si a.

1 KORINTH 11:31

Amiruokchu, chîktakin inngaituo hlak unla chu, ro rêlpêkin ei um naw ding bah.

HEBRAIHAI 4:11

Chuongchun, tûkhawm chu thuawi nawna leia an tlûk anga ei tlûk nâwna dingin, chu châwlnaa lût ding chun ṭhahnem ngai ei tiu.

HEBRAIHAI 4:3

Eini ring tahai hi chu châwlnaa chun ei lût zing a nih. “Ka lungsena kân khâm ang khan, Ka châwlnaa chun lût naw ni hai,” a ti ang khan, leilung insieng tira sinhai chu thaw zo ni ta sien khawm.