LEVI DÂN 23:3 - Pathien Lekhabu Inthieng (BSI)

³ Ni ruk sûng sin thaw ding a na, ni sari ni ruok chu ursûntaka inser châwlna, inkhâwmpui inthieng a nih; ieng sin khawm in thaw ding a ni naw a, in chêngna taphawta chun Lalpa ta dinga châwlni a nih.

LEVI DÂN 23:3 ပူးပေါင်းရင်းမြစ်များ

FESUOKNA 16:23

Ama chun an kuomah, “Hi hi a nih Lalpain a hril kha: Zînga chu Lalpa ta dinga Châwl ni inthieng, châwl ṭawk ṭawk ding ni chu a nih; in suong ding chu suong unla, in zêu ding chu zêu unla, chun, a mahla po po chu zîngkâr chen in ta dinga sie dingin hla el ro,” a ti a.

FESUOKNA 16:29

Ngai ta u, Lalpa chun Châwl ni a pêk cheu leiin ni ruk ni chun ni hni tlâk tâwk bei a pêk si cheu a, mi tin chu in hmun sengah um ṭawk ṭawk ro, ni sari ni chun a hmuna inthawk tukhawm fe suok naw raw se,” a ti a.

FESUOKNA 16:30

Chuongchun, mipui chu ni sari ni chun an châwl ta a.

FESUOKNA 23:12

Ni ruk sûng chu i sin thâwng i ta, ni sari ni ruok chun i bâwngchal le i sabengtung khawm chu an sâwldam theina ding le, i ina pieng i siehlawnu naupa le hnam dang mi khawm chu an insukhar theina dingin i châwl ding a nih.

FESUOKNA 34:21

“Ni ruk sûng sin thâwng i ta, ni sari ni ruok chun châwl i tih; hnuoi inlet huna le busîk huna khawm châwl i tih.

ISAI 56:2

Chuong ang thaw mi le, chu chu pawm tlattu mihriem naupa chu, a hamṭha ie; châwlni bawse lova inser hlaktu le, thil ṭha naw hrim thaw lo dinga a kut vêng ṭha hlaktu chu.

ISAI 56:6

Ram dang mi khawm, châwlni bawse lova, inser hlakhai le, ka thuthlung pawm tlat taphawt chu, Lalpa rawng bâwl ding le, Lalpa hming hmangai ding le, a siehlawahai um dinga Lalpa zâwm taphawthai;

ISAI 58:13

“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le Lalpa ni inthieng chu inzaum i ti a, mâni lampui hraw lova, i chawimawi chun,

LEVI DÂN 19:3

Mi tinin in nu le pa in ṭi ding a na; chun, ka châwlnihai chu in inser ding a nih; Kei hi Lalpa in Pathien chu ka nih.

LUKA 13:14

Chun, Isûn Châwlniin mi a sukdam leiin inkhâwmna in hotu chu a lunginsen a, mipui chu a biek a, an kuomah, “Mihriem sinthawna ding ni ruk a um annâwm; chu sûng chun hung unla, insukdam ro; Châwlnia hung lovin,” a ta.

LUKA 23:56

Chun, in tieng an fe nâwk a, thil rim inhnik le hriek rim inhnikhai an buotsai a. Chun, Châwlni chun thupêk angin an châwl ta a.

THILTHAWHAI 15:21

Mosien inhmaa inthawk tah khaw tinah a thu khêkpuitu a nei hlak si a; inkhâwmna inahai Châwlni taphawt chun a thu chu tiem a ni hlak kha,” a ta.

THUPUONGSUO 1:10

Lalpa nia chun Thlarauin ka lo um a; chun, ka hnung tiengah, tawtawrâwt ri ang, rawl inringtakin,