LEVI DÂN 23:21 - Pathien Lekhabu Inthieng (BSI)

²¹ Chu ni chun thu puong in ta; inkhâwmpui inthieng nei in ta; sin hrim in thaw ding a ni naw a; hi hi in chêngna taphawtah in thlahai chena dingin kumkhaw dân nîng a tih.

LEVI DÂN 23:21 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

FESUOKNA 27:21

Intuokna puon in Thuthlung bâwm hmaa puonzâr puoa chun Aron le a naupasalhaiin Lalpa hmaa chun zântienga inthawka zîngkâr chenin enkawl an ta; Israel mihai aiin an thlahai chenin kumkhuoin an bata ngai nîng a tih.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

LEVI DÂN 23:14

In Pathien ta dinga thilinhlân chu in inhlân hmakhat, chu ni tlung hmakhat chun, bei amanih, bu zêu amanih, a vui tharlâm amani khawm in fâk ding a ni nawh; hi hi in chêngna taphawtah in thlahai chena kumkhaw dân ding a nih.

LEVI DÂN 23:2

“Israel mipuihai chu be la, an kuomah, ‘Lalpa ruoiṭhe hunbi, inkhâwmpui inthienga in siem ding ka ruoiṭhe hunbi chu hienghai hi an nih.

LEVI DÂN 23:20

Thiempu chun siem hmasak tak bei chu berâmte pahni le chun, Lalpa hmaa thêna thilinhlân dingin thên a ta; chuonghai chu Lalpa ta dinga inthieng thiempu chanpuol nîng a tih.

LEVI DÂN 23:25

Sin hrim hrim in thaw ding a ni naw a; Lalpa kuoma mei hmanga thilinhlân in inhlân ding a nih,’ ti rawh,” tiin.

LEVI DÂN 23:31

Ieng sin khawm in thaw ding a ni nawh; hi hi in chêngna taphawtah in thlahai chena kumkhaw dân ding a nih.

LEVI DÂN 23:4

Lalpa ruoiṭhe hunbi, inkhâwmpui inthieng, a hun tak peia in siem dinghai chu hieng hi an nih.

LEVI DÂN 23:7

A ni khat ni chun inkhâwmpui inthieng nei in ta, sin hrim hrim in thaw ding a ni nawh.

LEVI DÂN 3:17

Thâu amanih, thisen amanih in fâk naw ding a nih ti hi, in thlahai chena khawm in umna taphawta chun kumkhaw thuruot ngîrzing nîng a tih,’ ti rawh,” tiin.

NAMBAR 18:23

Levi mihai ruok hin chu intuokna puon in rawngbâwl sin chu thâwng an ta, anni dân nîng a tih; chun, Israel mihai laiah rochan nei naw ni hai.

DÂN PAHNINA 16:11

Lalpa in Pathienin a hming umna dinga a la ruot dinga chun nangni leh in naupasalhai leh, in naunuhmeihai leh, in suokpahai, in suoknuhai leh in umnaa um Levi mihai, nangni laia um ram dang mihai, pa nei lo hai dâm, hmeithaihai dâm leh Lalpa in Pathien hmaah hlimtakin in um ding a nih.