LEVI DÂN 23:2 - Pathien Lekhabu Inthieng (BSI)

² “Israel mipuihai chu be la, an kuomah, ‘Lalpa ruoiṭhe hunbi, inkhâwmpui inthienga in siem ding ka ruoiṭhe hunbi chu hienghai hi an nih.

LEVI DÂN 23:2 ပူးပေါင်းရင်းမြစ်များ

2 LALHAI 10:20

Chun, Jehu chun, “Baal hmingin ruoiṭhena ropui siem ro,” a ta. Chuongchun, chu chu an inthawn vêl ta a.

1 CHANCHIN SUINA 23:31

châwlnihai dâm, thlatharhai dâm, ruoiṭhena bi ruotahai dâma Lalpa hmaa chuong chungthua thaw rawp a ni ding dân ang peia Lalpa kuoma pumrawhmang thilinhlân chu inhlân ding dâmin;

2 CHANCHIN SUINA 2:3

Chun, Solomon chun Tura lal Huram kuoma chun mi a tir a, “Ka pa David kha i lo ngaisak a, a umna dinga in bâwlna dingin sidar thinghai i lo thawn ang bawk khan, kei khawm mi hung thawn ve rawh.

2 CHANCHIN SUINA 30:5

Chuongchun, Israel Pathien Lalpa fekân ruoiṭhe chu hmang dingin Jerusalemah an hung ding a nih tiin, Israel ram po po Beer-sebaa inthawka Dan chenin thupuong siem dingin thupêk ân suoh a; ziek a ni angin, chuong anga tam chun an la hmang ngai si naw a.

EZRA 3:5

chu hnunga chun pumrawhmang thilinhlân châmchi le, thla thara sukthieng ta po pohai le, mi tinin Lalpa kuoma mâni nuomthua inhâwktaka thilinhlânna dâm an nei ta a.

INPÂKNA HLABU 81:3

Thla thara chun tawtawrâwt mût unla, Thla lir laia ei ruoiṭhe hun lai leh.

FESUOKNA 32:5

Aronin chu chu a hmu chun, bâwngte hmaa chun maichâm a siem a, “Zînga chu Lalpa kuoma ruoiṭhena um a tih,” tiin thu a puong ta a.

ISAI 33:20

Kan ruoiṭhena khawpui Zion khi en ta, i mit chun Jerusalem chu umna muongumtak, puon in iengtik khawma sawn lo ding, a keimarna hem iengtik khawma phawi lo ding, a keina hrui hrim hrim intan lo ding ang chu, hmûng a tih.

ṬAP HLA 1:4

Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

EZEKIEL 44:24

Thubuoia chun rorêltuin an ngîr ding a na; keia rorêl dân dungzui peiin ro an rêl ding a nih; ka ruoiṭhe hunbi neihaia chun ka thuruothai, ka dânhai chu an zâwm ding a nih; chun, ka châwlni khawm chu an inser bawk ding a nih.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.

JOEL 1:14

Bu nghei hun inser thieng unla, inkhâwmpui ursûn siem unla, Lalpa in Pathien ina chun tarsiehai le hi rama chênghai po po chu ṭhuoi khâwm unla, Lalpa chu ko ro.

JOEL 2:15

Ziona chun tawtawrâwt mût unla, bu nghei hun inserthieng ro; inkhâwmpui ursûntak chu siem ro,

LEVI DÂN 23:1

Lalpa chun Mosie a biek a,

LEVI DÂN 23:21

Chu ni chun thu puong in ta; inkhâwmpui inthieng nei in ta; sin hrim in thaw ding a ni naw a; hi hi in chêngna taphawtah in thlahai chena dingin kumkhaw dân nîng a tih.

LEVI DÂN 23:37

Hienghai hi an nih Lalpa ruoiṭhe hunbi, Lalpa kuoma mei hmanga thilinhlân dâm, pumrawhmang thilinhlân dâm, fâkmi thilinhlân dâm, inthâwinahai dâm, dâwnmi thilinhlân dâm, an ni bîk senga inhlânna dinga inkhâwmpuina inthienga in inser dinghai chu:

LEVI DÂN 23:4

Lalpa ruoiṭhe hunbi, inkhâwmpui inthieng, a hun tak peia in siem dinghai chu hieng hi an nih.

LEVI DÂN 23:44

Chuongchun, Mosie chun Lalpa ruoiṭhe hunbi siemhai chu Israel thlahai lai chun a puong ta a.

NAHUM 1:15

Tlânghaia chanchin ṭha intluna, inremna thu tlânginsampuituhai ke chu en ta! Aw Juda, i ruoiṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw che a, sukbohmang dêr a ni ta a nih.

NAMBAR 10:10

In hlimna nia dâm, in Fekân ruoiṭhe hunbi neia dâm, in thla thara dâm le, in pumrawhmang thilinhlâna le in inremna thilinhlân inthâwinahaia chun tawtawrâwt chu in mût ding a nih; chuongchun, in Pathien hmaa in ta dinga hrietzingna a ni ding a nih; kei hi Lalpa in Pathien ka ni hi,” tiin.

NAMBAR 29:39

In thutiem dâm, nuomthua thilinhlân dâm, in pumrawhmang thilinhlân dâm, in beiphit thilinhlân dâm, in dâwnmi thilinhlân dâm, in inremna thilinhlân dâm bâka chun hieng hi in hunbi ruoiṭhe nei niin Lalpa kuomah in inhlân ding a nih,’ ti rawh,” tiin.

JOHAN 5:1

Chuong thil hnunga chun Judahai ruoiṭhe pakhat a um a; Isu Jerusalemah a hang fe a.

KOLOSSA 2:1

Nangni le Laodikeia umhai le, taksaa ka hmêl hmu naw phawthai ta dingin iengti raua nasain am ka thaw pêk ṭâl ṭâl zie cheu hi in hriet ka nuom si a.

KOLOSSA 2:16

Chuongchun, fâk thua manih, dâwn thua manih, ruoiṭhe ni thua manih, thla thar thua manih, châwlni thua manih tûkhawmin sawisêl naw raw hai se cheu;